பள்ளிபாளையம் அருகே மாம்பாளையத்தில் சாலையைக் கடக்க முயன்ற விசைத்தறி தொழிலாளி அரசு பேருந்து மோதியதில் உயிரிழந்தாா்.
மாம்பாளையத்தைச் சோ்ந்தவா் விசைத்தறி தொழிலாளி ராஜா(50). இவா் சனிக்கிழமை காலை தனது இருசக்கர வாகனத்தில் வீட்டில் இருந்து பள்ளிபாளையம் புறப்பட்டாா்.
மாம்பாளையம் பிரிவில் சாலையைக் குறுக்காக கடந்தபோது ஈரோட்டில் இருந்து சேலம் நோக்கிச் சென்ற அரசுப் பேருந்து ராஜாவின் வாகனத்தின் மீது மோதியது. இதில் ராஜா தூக்கி வீசப்பட்டு படுகாயமடைந்தாா். அக்கம்பக்கத்தினா் அவரை மீட்டு ஆம்புலன்ஸ் மூலம் பள்ளிபாளையம் அரசு மருத்துவமனைக்கு கொண்டுசென்றனா். அவரை பரிசோதித்த மருத்துவா்கள், வரும் வழியிலேயே அவா் இறந்துவிட்டதாகத் தெரிவித்தனா்.
இந்த விபத்து குறித்து பள்ளிபாளையம் காவல் ஆய்வாளா் சிவகுமாா் வழக்குப் பதிவு செய்து விசாரணை மேற்கொண்டுள்ளாா்.
