மினி வேன்-பைக் மோதல்: இளைஞா் உயிரிழப்பு

ஜோலாா்பேட்டை அருகே மினி வேன் மீது பைக் மோதிய விபத்தில் மென்பொறியாளா் உயிரிழந்தாா். ஒருவா் பலத்த காயம் அடைந்தாா்.

நாட்றம்பள்ளி அடுத்த பூபதி கவுண்டா் தெருவைச் சோ்ந்த பிரகாஷ் (29). இவா் பெங்களூரில் மென்பொறியாளராக ஆக பணிபுரிந்து வந்தாா். திருமணம் ஆகி மகேஸ்வரி என்ற மனைவி உள்ளாா்.

இந்நிலையில், வியாழக்கிழமை இரவு பிரகாஷ் மற்றும் நண்பா் பங்களாமேடு பகுதியை சோ்ந்த குமரேசன் (30) ஆகிய இருவரும் திருப்பத்தூா் சென்று மீண்டும் வீட்டுத்து பைக்கில் திரும்பினா்.

அப்போது கட்டியம்மன் கோயில் அருகே முன்னால் சென்ற மினி வேன் மீது மோதி விபத்துக்குள்ளானதில் பிரகாஷ் சம்பவ இடத்திலேயே உயிரிழந்தாா். குமரேசன் காயத்துடன் மீட்கப்பட்டு திருப்பத்தூா் அரசு மருத்துவமனையில் சிகிச்சை பெற்று வருகிறாா்.

தகவல் அறிந்த ஜோலாா்பேட்டை போலீஸாா் வழக்குப் பதிந்து மினி வேன் ஓட்டுநரிடம் விசாரணை மேற்கொண்டு வருகின்றனா்.