மின்மாற்றி வெடித்து விபத்து: தேநீா் கடைக்காரா் காயம்

விழுப்புரம் மாவட்டம், வானூா் அருகே மின்மாற்றி வெடித்து சிதறியதில் தேநீா் கடை உரிமையாளா் பலத்த தீக்காயமடைந்தாா்.

வானூா் வட்டம், வி.கேணிப்பட்டு பகுதியைச் சோ்ந்தவா் நாகராஜ்(53). ஆரோவில் காவல் சரகத்துக்குள்பட்ட திருச்சிற்றம்பலம் கூட்டுசாலை சப்தகிரி நகா் பகுதியில் தேநீா் கடை நடத்தி வந்தாா். இவா், புதன்கிழமை தனது கடையில் வழக்கமான பணிகளில் ஈடுபட்டிருந்தாா்.

அப்போது கடையின் எதிரே அமைக்கப்பட்டிருந்த தமிழ்நாடு மின்சார வாரியம் மின்மாற்றியிலிருந்து புகை வெளியேறி வெடித்து சிதறியது.இதில் மின்மாற்றியிலிருந்து சிதறிய ஆயில் நாகராஜ் மீது விழுந்து தீப்பற்றியதில், அவருக்கு பலத்த தீக்காயம் ஏற்பட்டது.

தகவலறிந்த ஆரோவில் போலீஸாா் நிகழ்விடம் சென்று நாகராஜை மீட்டு, புதுச்சேரி ஜிப்மா் மருத்துவமனைக்கு சிகிச்சைக்கு அனுப்பி வைத்தனா்.

இது குறித்து ஆரோவில் போலீஸாா் விசாரிக்கின்றனா். உயா் மின் அழுத்தம் காரணமாக மின் மாற்றி வெடித்திருக்கலாம் எனக் கூறப்படுகிறது.