மூதாட்டியைக் கொன்றவா் குண்டா் தடுப்புச் சட்டத்தில் கைது

தாரமங்கலம் அருகே மூதாட்டியைக் கொலை செய்தவரை குண்டா் தடுப்புச் சட்டத்தின் கீழ் போலீஸாா் கைது செய்தனா்.

தாரமங்கலம் அருகேயுள்ள கருக்குப்பட்டியைச் சோ்ந்த 94 வயது மூதாட்டி ராஜம்மாள், கடந்த மாதம் உயிரிழந்தாா். இறுதிச்சடங்கின்போது ராஜம்மாள் தலையில் காயம் இருந்ததை அறிந்த உறவினா்கள் தாரமங்கலம் போலீஸில் புகாா் அளித்தனா். போலீஸாா் விசாரணை நடத்தி ராஜம்மாளை கொலை செய்த அதே பகுதியைச் சோ்ந்த செல்வராஜை கைது செய்தனா்.

இவா் கடந்த 2022-இல் நண்பரை கொலை செய்த வழக்கில் ஏற்கெனவே கைது செய்யப்பட்டவராவாா். இந்த நிலையில், இவரை குண்டா் தடுப்புச் சட்டத்தில் கீழ் கைது செய்ய ஆட்சியா் பிருந்தாதேவி உத்தரவிட்டாா். இதையடுத்து, சிறையில் உள்ள செல்வராஜிடம் அதற்கான நகலை தாரமங்கலம் போலீஸாா் வழங்கினா்.