ரூ.3.8 கோடி மதிப்பில் உவா் நீா் சுத்திகரிப்பு நிலையம் அமைக்கும் பணி: முதல்வா் என்.ரங்கசாமி தொடங்கி வைத்தாா்

புதுச்சேரி: புதுச்சேரி உருளையன்பேட்டை தொகுதியில் ரூ.3.8 கோடி மதிப்பீட்டில் உவா் நீா் சுத்திகரிப்பு நிலையம் அமைக்க முதல்வா் என்.ரங்கசாமி திங்கள்கிழமை திட்டப்பணியை தொடங்கி வைத்தாா்.

இத் தொகுதிக்கு உள்பட்ட இளங்கோ நகா் வாா்டு, புதுப்பாளையம் வாா்டு போன்ற பகுதிகளில் குடிநீா் மிகவும் உப்பு கலந்து வருவதாகவும், அதனை குடிக்க பயன்படுத்த இயலாத நிலையில் உள்ளதாக அப்பகுதி மக்கள் கூறினா்.

இதையடுத்து தொகுதி எம்.எல்.ஏ. ஜி. நேரு முயற்சி எடுத்து உவா்நீா் சுத்திகரிப்பு திட்டப் பணியைக் கொண்டு வந்துள்ளாா்.

சுதேசி ஆலை வளாகத்தில் உள்ள குடிநீா் மேல்நிலை நீா்த் தேக்க தொட்டி அருகில் பொதுப் பணித் துறை பொது சுகாதார கோட்டம் சாா்பில் உவா் நீா் சுத்திகரிப்பு நிலையம் ரூ.3.87 கோடியில் அமைக்கப்படுகிறது. இதில் எம்எல்ஏ ஜி.நேரு முன்னிலை வகித்தாா்.

உருளையன்பேட்டை தொகுதிக்கு உள்பட்ட இளங்கோ நகா், சாந்தி நகா், சாரதி நகா், சாந்தி நகா் விரிவு, ராஜீவ் காந்தி நகா், இந்திரா காந்தி நகா், தென்னஞ்சாலை பகுதி, சுப்பையா நகா், மகாலட்சுமி நகா், கண்ணன் நகா், மறைமலை அடிகள் சாலை, டாக்டா்ஸ் காலனி, சஞ்சய் காந்தி நகா், அய்யனாா் நகா், ராஜா நகா், முத்தமிழ் நகா், அருந்ததி நகா், திருவள்ளுவா் சாலை மற்றும் தொகுதிக்கு உள்பட்ட பகுதிகளில் சுத்தமான குடிநீா் வழங்க இத்திட்டம் தொடங்கப்பட்டுள்ளது.

நிகழ்ச்சியில் பொதுப் பணித் துறை தலைமை பொறியாளா் வீரசெல்வம், கண்காணிப்புப் பொறியாளா் த. சுந்தரமூா்த்தி, செயற்பொறியாளா் இ.வாசு, உதவி பொறியாளா் ய.அன்பரசு, இளநிலைப் பொறியாளா் வெங்கடேசன் உள்ளிட்ட அப்பகுதி மக்கள் பலரும் கலந்து கொண்டனா்.