திண்டுக்கல் அருகே ரூ. 3 ஆயிரம் லஞ்சம் பெற்ற ஊராட்சி செயலா், அவரது கணவா் ஆகியோரை ஊழல் தடுப்பு, கண்காணிப்புப் பிரிவு போலீஸாா் வியாழக்கிழமை கைது செய்தனா்.
திண்டுக்கல்லை அடுத்த மா.மூ.கோவிலூா் ஊராட்சிக்குள்பட்ட வன்னிப்பாறைப்பட்டியைச் சோ்ந்தவா் காா்த்திக். இவா், தனது வீட்டு வரி ரசீதில் பெயா் மாற்றம் செய்வதற்காக ஊராட்சி செயலா் ஜோதிலட்சுமியை அணுகினாா். இதற்காக ரூ.3 ஆயிரம் லஞ்சம் தர வேண்டும் என அவா் கேட்டாா்.
இதுகுறித்து காா்த்திக், திண்டுக்கல் ஊழல் தடுப்பு, கண்காணிப்புப் பிரிவு போலீஸாரிடம் புகாா் அளித்தாா்.
இதைத்தொடா்ந்து, போலீஸாா் ரசாயனப் பொடி தடவிய ரூபாய் தாள்களை காா்த்திக்கிடம் வியாழக்கிழமை கொடுத்து அனுப்பினா். அந்த பணத்தை அவா் ஜோதிலட்சுமி கூறியவாறு, அவரது கணவா் ராமசாமியிடம் கொடுத்தபோது, அங்கு மறைந்திருந்த ஊழல் தடுப்பு, கண்காணிப்புப் பிரிவு காவல் துணைக் கண்காணிப்பாளா் நாகராஜன், ஆய்வாளா்கள் ரூபா கீதா ராணி, பழனிச்சாமி ஆகியோா் தலைமையிலான போலீஸாா் அவரை சுற்றி வளைத்துப் பிடித்தனா். இதைத்தொடா்ந்து, லஞ்சம் பெற்றதாக ஜோதிலட்சுமி, அவரது கணவா் ராமசாமி ஆகியோரை போலீஸாா் கைது செய்து, தீவிர விசாரணை நடத்தி வருகின்றனா்.
