தமிழக காவல்துறையில் 21 பேருக்கு குடியரசு தலைவர் விருது! யார்யார்?
வந்தவாசி நகராட்சி அலுவலக நகா்மன்ற கூடத்தில் புதன்கிழமை நடைபெற்ற நகா்மன்ற கூட்டத்தின்போது, நகா்மன்ற உறுப்பினா்கள் உள்ளிருப்புப் போராட்டத்தில் ஈடுபட்டனா்.
கூட்டத்துக்கு வந்தவாசி நகா்மன்றத் தலைவா் எச்.ஜலால் தலைமை வகித்தாா். நகராட்சி ஆணையா் ஆா்.சோனியா முன்னிலை வகித்தாா்.
கூட்டத்தில், புதிய பேருந்து நிலையத்துக்கு அனைத்து பேருந்துகளும் வந்து செல்ல நடவடிக்கை எடுக்க பலமுறை கோரிக்கை விடுத்தும் அதிகாரிகள் நடவடிக்கை எடுக்கவில்லை என புகாா் தெரிவித்த 23-ஆவது வாா்டு உறுப்பினா் கு.ராமஜெயம், இதனைக் கண்டித்து உள்ளிருப்புப் போராட்டத்தில் ஈடுபட்டாா்.
மேலும், தனது வாா்டில் தூய்மைப் பணிகள் சரிவர மேற்கொள்ளப்படவில்லை என புகாா் தெரிவித்த 17-ஆவது வாா்டு உறுப்பினா் பா.சந்தோஷ், இதனைக் கண்டித்து உள்ளிருப்புப் போராட்டத்தில் ஈடுபட்டாா்.
இந்த நிலையில், கூட்டம் முடிந்து நகா்மன்ற கூடத்திலிருந்து அனைவரும் சென்றுவிட்ட நிலையில் இருவரும் உள்ளிருப்புப் போராட்டத்தை தொடா்ந்தனா்.
பின்னா், உரிய நடவடிக்கை எடுப்பதாக அதிகாரிகள் தெரிவித்ததை அடுத்து உறுப்பினா்கள் கு.ராமஜெயம், பா.சந்தோஷ் ஆகியோா் போராட்டத்தை கைவிட்டனா்.
