விஜயா வாசகா் வட்டத்தின் கி.ரா. விருது வழங்கும் விழா: கோவையில் நாளை நடைபெறுகிறது

கோவை விஜயா பதிப்பகத்தின் வாசகா் வட்டம் சாா்பில் 2025-ஆம் ஆண்டுக்கான கி.ரா.விருது வழங்கும் விழா கோவையில் ஞாயிற்றுக்கிழமை (செப்டம்பா் 28) நடைபெறுகிறது.

சாகித்திய அகாதெமி விருதுக்கு பெருமை சோ்த்த கி.ரா.வின் நினைவைப் போற்றும் வகையில் கோவை விஜயா பதிப்பகத்தின், விஜயா வாசகா் வட்டம் சாா்பில் ஆண்டுதோறும் சிறந்த படைப்பாளிகளுக்கு கி.ரா.விருது வழங்கப்பட்டு வருகிறது. விருதுத் தொகையாக ரூ.ஐந்து லட்சம் மற்றும் கேடயம் வழங்கப்படுகிறது. இந்த விருதுத் தொகையை சக்தி மசாலா நிறுவனம் வழங்குகிறது.

2025-ஆம் ஆண்டுக்கான கி.ரா. விருதுக்கு பிரபல எழுத்தாளா் சு.வேணுகோபால் தோ்வு செய்யப்பட்டுள்ளாா். இந்நிலையில், கி.ரா.விருது வழங்கும் விழா கோவை பீளமேடு, பூ.சா.கோ. பொறியியல் கல்லூரியில் ( செப்டம்பா் 28) நடைபெறுகிறது. இந்த விருதளிப்பு விழாவில், புதுதில்லி உச்சநீதிமன்ற நீதிபதி ஆா்.மகாதேவன், சிறப்பு விருந்தினராக கலந்து கொண்டு, 2025-ஆம் ஆண்டுக்கான கி.ரா.விருதுக்கு தோ்ந்தெடுக்கப்பட்டுள்ள பிரபல எழுத்தாளா் சு.வேணுகோபாலுக்கு விருது வழங்கி சிறப்புரையாற்றுகிறாா்.

நிகழ்ச்சியில் விஜயா மு.வேலாயுதம் வரவேற்கிறாா். சக்தி மசாலா நிறுவனத்தின் பி.சி.துரைசாமி தலைமை வகிக்கிறாா். சாந்தி துரைசாமி, எழுத்தாளா் பாவண்ணன் ஆகியோா் வாழ்த்துரை வழங்குகின்றனா். இதில், எழுத்தாளா்கள், முக்கிய பிரமுகா்கள் பலா் பங்கேற்கின்றனா்.