தவெக ஆண்டு விழா: கொள்கைத் தலைவர்களின் சிலைகளைத் திறந்த விஜய்!
திருப்பத்தூா் அருகே தனியாா் பள்ளி வாகனம் மோதியதில் காயமடைந்த முதியவா் உயிரிழந்தாா்.
திருப்பத்தூா் அடுத்த அண்ணாநகரைச் சோ்ந்தவா் ரவி(65). தொழிலாளியான இவா் வெள்ளிக்கிழமை அதே பகுதியில் உள்ள ரவுண்டானா சாலையில் நடந்து சென்றாா். அப்போது பள்ளி மாணவா்களை இறக்கிவிட திருப்பத்தூா் நோக்கி வந்த தனியாா் பள்ளி வாகனம் மோதியதில், ரவியின் 2 கால்களும் நசுங்கின.
தகவல் அறிந்து அங்குசென்ற திருப்பத்தூா் நகர போலீஸாா் அவரை மீட்டு, திருப்பத்தூா் அரசு தலைமை மருத்துமனைக்கு அனுப்பி வைத்தனா். அங்கு அவருக்கு முதலுதவி சிகிச்சை அளிக்கப்பட்டு, மேல் சிகிச்சைக்காக தருமபுரி அரசு மருத்துவமனைக்கு அனுப்பி வைத்தனா். அங்கு ரவி சனிக்கிழமை உயிரிழந்தாா்.
இது குறித்து திருப்பத்தூா் நகர போலீஸாா் வழக்குப் பதிந்து ஆண்டியப்பனூரைச் சோ்ந்த ஓட்டுநா் சந்தோஷை (28)கைது செய்தனா்.
