விவசாயிகளுக்கு மரக்கன்று, விதைகள்: எம்எல்ஏ செந்தில்குமாா் வழங்கினாா்

திருப்பத்தூா் மாவட்டம், ஆலங்காயம் ஒன்றியத்துக்குட்பட்ட விவசாயிகளுக்கு தோட்டக்கலை துறை சாா்பில் மரக்கன்றுகள், விதைகள் வழங்கும் நிகழ்ச்சி வாணியம்பாடி சட்டப்பேவை உறுப்பினா் அலுவலக வளாகத்தில் திங்கள்கிழமை நடைபெற்றது.

இதில் எம்எல்ஏ கோ.செந்தில்குமாா் கலந்துகொண்டு, தோட்டக் கலைத் துறை சாா்பில் கத்தரி, பீன்ஸ், மிளகாய் உள்பட பல்வேறு வகையான விதைகளையும், பல்வேறு வகையான மரக்கன்றுகளையும் விவசாயிகளுக்கு வழங்கினாா்.

நிகழ்ச்சியில், முன்னாள் நகர கூட்டுறவு வங்கி இயக்குநா் சதாசிவம், முன்னாள் ஒன்றியக் குழு உறுப்பினா்கள் பாரதிதாசன், சிவானந்தம் மற்றும் தோட்டக்கலைத் துறை அதிகாரிகள் மற்றும் விவசாயிகள் கலந்து கொண்டனா்.