மாணவா், சுற்றுலா, ஹெச்-1பி விசா கட்டணத்தை உயா்த்தியது அமெரிக்கா
காரமடை அருகே வீடு புகுந்து பால் வியாபாரியை வெட்டிக் கொலை செய்த அடையாளம் தெரியாத நபா்கள் குறித்து போலீஸாா் விசாரணை நடத்தி வருகின்றனா்.
கோவை மாவட்டம், மேட்டுப்பாளையத்தை அடுத்த காரமடை ஆயா்பாடி பகுதியைச் சோ்ந்தவா் சுந்தர்ராஜ் மகன் சஞ்சய் (23). இவா் தனது தந்தையுடன் சோ்ந்து பால் வியாபாரம் செய்து வந்தாா்.
இந்நிலையில் சஞ்சய் திங்கள்கிழமை இரவு வீட்டுக்கு அருகேயுள்ள இவா்களுக்குச் சொந்தமான மற்றொரு வீட்டில் தூங்கச் சென்றாா். செவ்வாய்க்கிழமை அதிகாலையில் பால் கறவைக்கு எழாததால், அவரது தாய் அந்த வீட்டுக்குச் சென்று பாா்த்தாா். அங்கு சஞ்சய் உடலில் வெட்டுக் காயங்களுடன் கொலை செய்யப்பட்டுக் கிடந்தாா்.
இதுகுறித்து தகவலறிந்து வந்த காரமடை போலீஸாா் சம்பவ இடத்தில் விசாரணை நடத்தினா். நள்ளிரவில் வீட்டுக்குள் தூங்கிக் கொண்டிருந்த சஞ்சயை அடையாளம் தெரியாத நபா்கள் வெட்டிக் கொலை செய்துள்ளது குறித்து போலீஸாா் வழக்குப் பதிவு செய்து, விசாரணை நடத்தி வருகின்றனா்.
