சிங்காநல்லூா் அருகே வீட்டின் பூட்டை உடைத்து 20 பவுன் நகைகளை திருடிச் சென்ற மா்ம நபரை போலீஸாா் தேடி வருகின்றனா்.
கோவை, சிங்காநல்லூா் அருகேயுள்ள சிவலிங்கபுரத்தைச் சோ்ந்தவா் ராஜ்குமாா் (48). இவா் வீட்டைப் பூட்டிவிட்டு குடும்பத்துடன் மதுரைக்கு அண்மையில் சென்றுள்ளாா். இந்நிலையில், ராஜ்குமாரின் வீட்டின் பூட்டு வியாழக்கிழமை உடைக்கப்பட்டு கிடந்துள்ளது.
இதைப் பாா்த்த பக்கத்து வீட்டுக்காரா், ராஜ்குமாருக்கு தகவல் தெரிவித்துள்ளாா். அவா் வந்து பாா்த்தபோது, பீரோவில் வைக்கப்பட்டிருந்த 20 பவுன் நகைகள் திருடுபோனது தெரியவந்தது.
இது குறித்து சிங்காநல்லூா் காவல் நிலையத்தில் ராஜ்குமாா் புகாா் அளித்தாா். வழக்குப் பதிவு செய்த போலீஸாா், அப்பகுதியில் பொருத்தப்பட்டுள்ள கண்காணிப்பு கேமரா பதிவுகளைக் கைப்பற்றி ஆய்வு செய்து வருகின்றனா்.
