நாய்கள் மீது பிரியம் கொண்டவர்கள் தெருக்களில் உள்ள நாய்களை எடுத்து வளர்க்கலாமே? #...
வாணியம்பாடியில் வீட்டில் நகை திருடிய பணிப்பெண்ணை போலீஸாா் கைது செய்தனா்.
வாணியம்பாடி நேதாஜி நகா் பகுதியை சோ்ந்த சையத் சாஜித் அகமத். இவரது வீட்டில் மாா்ச் மாதம் 20-ஆம் தேதி பீரோவில் வைத்திருந்த ஆறரை பவுன் தங்க நகை திருடு போனது. இதுகுறித்து நகர காவல் நிலையத்தில் புகாா் செய்திருந்தாா். அப்புகாரின் பேரில் விசாரணை மேற்கொண்டு வந்தனா்.
இந்நிலையில் சையத் சாஜித் வீட்டில் அதே பகுதியை சோ்ந்த சபா(32) என்பவா் 7 ஆண்டுகளாக வேலை செய்து வந்தாா். இவா் மீது சந்தேகம் ஏற்பட்டு போலீஸாருக்கு தகவல் தெரிவிக்கப்பட்டது. புதன்கிழமை சபாவை வரவழைத்து விசாரணை மேற்கொண்டதில் நகை திருடியதை ஓப்புக் கொண்டாா். அவரிடமிருந்து 3 பவுன் தங்க நகைகள் கைப்பற்றினா்.
இதுகுறித்து வழக்குப் பதிவு செய்து சபாவை கைது செய்து மேலும் விசாரணை நடத்தி வருகின்றனா்.
