வெளி மாநிலத்தவரை வெளியேற்ற வேண்டும்: தி.வேல்முருகன் வலியுறுத்தல்

தமிழகத்தில் திட்டமிட்டு குடியேற்றப்பட்டுள்ள வெளி மாநிலத்தவா்கள் அனைவரையும் கணக்கெடுத்து வெளியேற்ற வேண்டும் என்று தமிழக வாழ்வுரிமைக் கட்சித் தலைவா் தி.வேல்முருகன் வலியுறுத்தினாா்.

இதுகுறித்து அவா் புதன்கிழமை வெளியிட்ட அறிக்கை: வட மாநிலத்தவரால் சென்னை, மதுரை, திருப்பூா் உள்ளிட்ட பகுதிகளில் தாக்குதல், திருட்டு, பாலியல் சம்பவங்கள் அதிகரித்து வருகின்றன.

இதன் தொடா்ச்சியாக, தற்போது நெல்லை ரயில் நிலையத்தில் வட மாநிலத்தவா் நடத்திய தாக்குதலில் கோவையைச் சோ்ந்த தங்கப்பன் உயிரிழந்துள்ளாா். இவரின் குடும்பத்தில் ஒருவருக்கு அரசுப் பணி, ரூ.25 லட்சம் இழப்பீடு வழங்க அரசு முன் வர வேண்டும்.

தமிழகத்தில் கடந்த காலங்களில் வட மாநிலத்தவா்களால் நிகழ்த்தப்பட்ட குற்றச் செயல்களை தடுக்க அரசு போதிய நடவடிக்கை எடுத்திருந்தால், இது போன்ற கொடூரச் செயல்கள் அரங்கேறியிருக்காது.

தமிழா்களின் வாழ்வாதாரத்தையும், பாதுகாப்பையும் உறுதி செய்வதில் அரசு அலட்சியம் செய்யும்பட்சத்தில், தமிழக வாழ்வுரிமைக் கட்சி நேரடியாக களத்தில் இறங்கி பதிலடி கொடுக்கும்.

சென்னை, கோவை, ஈரோடு, திருப்பூா், திருச்சி ஆகிய நகரங்களில் குவிந்து காணப்படுகிற வட மாநிலத்தவா்களை கண்காணிக்க, காவல் துறையில் தனி பிரிவை அரசு அமைக்க வேண்டும். வெளி மாநிலத்தவா் அனைவரையும் கணக்கெடுத்து வெளியேற்ற வேண்டும். தமிழகத்தில் குடியேறும் வெளி மாநிலத்தவருக்கு வாக்காளா் அட்டை, குடும்ப அட்டை, ஆதாா் அட்டை வழங்கக் கூடாது. வட மாநிலங்களில் உள்ளதைப்போல, வெளி மாநிலத்தவா் தமிழகத்துக்குள் நுழைய உள் அனுமதிச் சீட்டு முறை கொண்டுவர வேண்டும் எனத் தெரிவித்துள்ளாா்.