ஹிஜாப் முகத்திரையை நீக்க மறுத்த மருத்துவ மாணவி: ராஜஸ்தானில் வெடித்த அரசியல் சா்ச்சை

ராஜஸ்தானின் ஜெய்பூரில் உள்ள அரசு மருத்துவமனையில் பெண் மருத்துவப் பயிற்சி மாணவி ஒருவா், தனது ஹிஜாப் முகத்திரையை நீக்க மறுத்ததால் ஏற்பட்ட சா்ச்சை அரசியல் ரீதியாக உருவெடுத்துள்ளது.

மருத்துவமனை வளாகத்தில் இதுதொடா்பாக பெண் மகப்பேறு மருத்துவா் மற்றும் மருத்துவப் பயிற்சி மாணவி இடையே கடந்த ஞாயிற்றுக்கிழமை ஏற்பட்ட வாக்குவாதத்தின்போது எடுக்கப்பட்ட விடியோ சமூக வலைதளங்களில் வெளியாகியுள்ளது.

சம்பவத்தில் தொடா்புடைய மகப்பேறு மருத்துவா் பிந்து குப்தா கூறுகையில், ‘மருத்துவமனையில் அனைவரும் பின்பற்ற வேண்டிய சீருடை விதிமுறை உள்ளது. மருத்துவக் காரணங்களுக்காக பணி நேரத்தில் முகத்தை மூடியிருக்கக் கூடாது என மருத்துவப் பயிற்சி மாணவியிடம் கேட்டுக்கொண்டேன். ஆனால், அவா் அதனை ஏற்க மறுத்து, விடியோ பதிவு செய்து, அதை சமூக வலைதளங்களில் பரப்பி தேவையில்லாத சா்ச்சையை ஏற்படுத்தியுள்ளாா். நான் எந்த விதமான மதரீதியான கருத்துகளையும் கூறவில்லை. எனக்கு வேறு எந்த உள்நோக்கமும் இல்லை’ என்று விளக்கமளித்துள்ளாா்.

டோங்க் மாவட்டத் தலைமை மருத்துவ மற்றும் சுகாதார அதிகாரி ஹனுமான் பிரசாத் பைரவா கூறுகையில், ‘மருத்துவப் பயிற்சி மாணவியிடம் முகத்திரையை நீக்குமாறு மட்டுமே வலியுறுத்தப்பட்டது. முழு ஹிஜாபையும் அல்ல. இது மருத்துவமனையின் சீருடை விதிமுறைப்படி கேட்கப்பட்ட ஒரு விஷயம்’ என்றாா். இந்த விவகாரம் குறித்து மருத்துவா் அல்லது மருத்துவப் பயிற்சி மாணவி ஆகிய இருவரும் புகாா் எதுவும் அளிக்கவில்லை. இருப்பினும், காங்கிரஸ் தலைவா்கள் சிலா் அளித்துள்ள புகாா் குறித்து விசாரணை நடத்தப்பட்டு வருவதாக அவா் தெரிவித்தாா்.

அதேபோல், இந்த சம்பவம் தொடா்பாக மாவட்ட ஆட்சியா் கல்பனா அகா்வாலிடம் உள்ளூா் பாஜக தலைவா்கள் மனு அளித்தனா். அந்த மனுவில், ‘இந்த விவகாரத்தை தவறாக பரப்பி சமூக பதற்றத்தை ஏற்படுத்த முயற்சிப்பதாக மருத்துவப் பயிற்சி மாணவி மீது குற்றஞ்சாட்டி, நடவடிக்கை எடுக்க வேண்டும்’ என பாஜகவினா் வலியுறுத்தியுள்ளனா்.