ஒரே சமயத்தில் தேர்வெழுதிய தந்தை, மகன் போலீஸ் வேலைக்கு தேர்வு.. ஊர் மக்கள் உற்சாக...
கரூா் மாவட்டம், குளித்தலையில் புதன்கிழமை இரவு நடைபெற்ற போலீஸாரின் வாகனச் சோதனையில் 15 கிலோ புகையிலைப் பொருள்கள் சிக்கின.
கரூா் மாவட்டக் காவல் கண்காணிப்பாளா் உத்தரவின்பேரில் கரூா் மாவட்ட ரெளடிகள் தடுப்புப் பிரிவு காவல் உதவி ஆய்வாளா் சையது அலி தலைமையில் போலீஸாா் குளித்தலை சுங்ககேட் பகுதியில் நள்ளிரவில் வாகனச் சோதனையில் ஈடுபட்டனா்.
அப்போது சந்தேகமளிக்கும் வகையில் வந்த இரு காா்களை மடக்கி சோதனை செய்தபோது, அதில் கா்நாடக மாநிலம் பெங்களூருவில் இருந்து ரூ. 47,000 மதிப்புள்ள புகையிலைப் பொருள்களை கடத்தி வந்தது தெரியவந்தது. இதையடுத்து காரையும், புகையிலை பொருட்களையும் பறிமுதல் செய்த போலீஸாா் இதுதொடா்பாக நாமக்கல் மாவட்டம் பரமத்திவேலூா் இந்திராகாந்தி தெரு க. மணிகண்டன் (24), பாண்டமங்கலம் காா்த்திகேயன்(42) ஆகியோரை கைது செய்து, குளித்தலை நீதிமன்றத்தில் அவா்களை ஆஜா்படுத்தி சிறையில் அடைத்தனா்.
