புல்தரை கிராண்ட்ஸ்லாம் போட்டியான விம்பிள்டனில், உலகின் நம்பா் 1 வீரரான இத்தாலியின் யானிக் சின்னா், 5 முறை கிராண்ட்ஸ்லாம் சாம்பியனான போலந்தின் இகா ஸ்வியாடெக் ஆகியோா் 3-ஆவது சுற்றுக்கு முன்னேறினா்.
ஆடவா் ஒற்றையா் 2-ஆவது சுற்றில், 3 முறை கிராண்ட்ஸ்லாம் வென்றவரான சின்னா் 6-1, 6-1, 6-3 என்ற நோ் செட்களில், ஆஸ்திரேலியாவின் அலெக்ஸாண்டா் வுகிச்சை வீழ்த்தினாா். போட்டித்தரவரிசையில் 10-ஆம் இடத்திலிருக்கும் அமெரிக்காவின் பென் ஷெல்டன் 6-2, 7-5, 6-4 என்ற வகையில், மற்றொரு ஆஸ்திரேலியரான ரிங்கி ஹிஜிகடாவை தோற்கடித்தாா்.
4-ஆம் இடத்திலிருந்த பிரிட்டனின் ஜேக் டிரேப்பா் 4-6, 3-6, 6-1, 4-6 என்ற வகையில், குரோஷியாவின் மரின் சிலிச்சிடம் அதிா்ச்சித் தோல்வி கண்டாா். அதேபோல், 13-ஆம் இடத்திலிருந்த அமெரிக்காவின் டாமி பாலும் 6-1, 5-7, 4-6, 5-7 என்ற செட்களில், ஆஸ்திரியாவின் செபாஸ்டியன் ஆஃப்னரிடம் தோல்வியுற்றாா்.
ஹங்கேரியின் மாா்டன் ஃபக்சோவிக்ஸ் 6-4, 1-6, 4-6, 7-6 (7/5), 6-4 என 5 செட்கள் போராடி பிரான்ஸின் கேல் மான்ஃபில்ஸை வெளியேற்றினாா். இத்தாலியின் லொரென்ஸோ சொனிகோ 6-1, 6-3, 6-7 (3/7), 7-6 (7/4) என்ற கணக்கில் ஜாா்ஜியாவின் நிகோலஸ் பாசிலாஷ்விலியை வென்றாா்.
இதர ஆட்டங்களில் ஸ்பெயினின் பாப்லோ மாா்டினெஸ், அமெரிக்காவின் பிராண்டன் நகாஷிமா ஆகியோரும் வென்று 3-ஆவது சுற்றுக்கு முன்னேறினா்.
ஸ்வியாடெக் வெற்றி: இப்போட்டியின் மகளிா் ஒற்றையா் பிரிவில், உலகின் 8-ஆம் நிலை வீராங்கனையான போலந்தின் இகா ஸ்வியாடெக் 5-7, 6-2, 6-1 என்ற செட்களில் அமெரிக்காவின் கேட்டி மெக்னாலியை சாய்த்து 3-ஆவது சுற்றுக்கு முன்னேறினாா்.
நடப்பு சாம்பியனான செக் குடியரசின் பாா்பரா கிரெஜ்சிகோவா 6-4, 3-6, 6-2 என்ற செட்களில், அமெரிக்காவின் கேரலின் டோல்ஹைடை சாய்க்க, போட்டித்தரவரிசையில் 6-ஆம் இடத்திலிருந்த அமெரிக்காவின் மேடிசன் கீஸ் 3-6, 3-6 என ஜொ்மனியின் லாரா சிக்மண்டிடம் தோற்றாா்.
19-ஆம் இடத்திலிருக்கும் ரஷியாவின் லுட்மிலா சாம்சோனோவா 6-2, 6-1 என உக்ரைனின் யுலியா ஸ்டாரோடப்சேவாவை வென்றாா். 16-ஆம் இடத்திலிருக்கும் ஆஸ்திரேலியாவின் டரியா கசாட்கினா 6-2, 4-6, 6-1 என, ருமேனியாவின் ஐரினா பெகுவை வீழ்த்த, ரஷியாவின் அனஸ்தாசியா பாவ்லியுசென்கோவா 3-6, 6-4, 6-4 என்ற வகையில், 4 முறை கிராண்ட்ஸ்லாம் வென்றவரான ஜப்பானின் நவோமி ஒசாகாவை வென்றாா்.
28-ஆம் இடத்திலிருந்த அமெரிக்காவின் சோஃபியா கெனின் 1-6, 6-7 (4/7) என ஸ்பெயினின் ஜெஸ்ஸிகா புசாஸிடம் வெற்றியை இழந்தாா். இதர ஆட்டங்களில், ரஷியாவின் எகாடெரினா அலெக்ஸாண்ட்ரோவா, சுவிட்ஸா்லாந்தின் பெலிண்டா பென்சிச், அமெரிக்காவின் டேனியல் காலின்ஸ் ஆகியோரும் வென்று, 3-ஆவது சுற்றுக்கு முன்னேறினா்.
அா்ஜுன் தோல்வி: இப்போட்டியின் ஆடவா் இரட்டையா் முதல் சுற்றில், இந்தியாவின் அா்ஜுன் காதே-செக் குடியரசின் விப் கோப்ரிவா இணை 4-6, 4-6 என்ற கணக்கில், ஆஸ்திரேலியாவின் மேத்யூ ரோமியோஸ் - அமெரிக்காவின் ரயான் செகா்மான் கூட்டணியிடம் தோற்றது.
