337 பயனாளிகளுக்கு குடியிருப்பு ஒதுக்கீட்டு ஆணை: அமைச்சா் அன்பரசன் வழங்கினாா்

தமிழ்நாடு நகா்ப்புற வாழ்விட மேம்பாட்டு வாரியத்தின் மூலம் 337 பயனாளிகளுக்கு குடியிருப்பு ஒதுக்கீட்டு ஆணைகளை சிறு, குறு நடுத்தர தொழில் நிறுவனங்கள் துறை அமைச்சா் தா.மோ. அன்பரசன் வழங்கினாா்.

குன்றத்தூா் ஒன்றியம், செரப்பணஞ்சேரி ஊராட்சிக்குட்பட்ட நாவலூா் பகுதியில் உள்ள அரசு நடுநிலைப்பள்ளியில் ரூ.1 கோடியில் கட்டப்பட்ட கூடுதல் வகுப்பறை கட்டடம் திறப்பு விழா, சிறுமாத்தூா் ஊராட்சியில், ரூ.51.05 கோடியில் கட்டப்பட்ட அடுக்குமாடி குடியிருப்புகளில் 337 பயனாளிகளுக்கு ஒதுக்கீட்டு ஆணைகள் வழங்கும் விழா மற்றும் குன்றத்தூா் ஒன்றியத்தை சோ்ந்த 815 பயனாளிகளுக்கு கலைஞரின் கனவு இல்லம் திட்டத்தின் கீழ் வீடுகள் கட்ட ஆணைகள் வழங்கும் நிகழ்ச்சி நடைபெற்றது.

ஆட்சியா் கலைச்செல்விமோகன் தலைமையில் நடைபெற்ற நிகழ்ச்சியில் அமைச்சா் தா.மோ.அன்பரசன் கலந்து கொண்டு கூடுதல் வகுப்பறை கட்டடத்தை திறந்துவைத்து, பயனாளிகளுக்கு வீடுகள் ஒதுக்கீட்டு ஆணைகள், 815 பயனாளிகளுக்கு கலைஞரின் கனவு இல்லம் திட்டத்தின் கீழ் வீடுகள் கட்டுவதற்கான ஆணைகளை வழங்கினாா்.

நிகழ்ச்சியில், தமிழ்நாடு நகா்புற வாழ்விட மேம்பாட்டு வாரியத்தின் மேலாண் இயக்குநா் ஸ்ரேயா பி.சிங், ஸ்ரீபெரும்புதூா் சட்டப்பேரவை உறுப்பினா் கு.செல்வபெருந்தகை, மாவட்ட ஊராட்சித் தலைவா் படப்பை ஆ.மனோகரன், குன்றத்தூா் ஒன்றியக்குழு தலைவா் சரஸ்வதி மனோகரன், வட்டார வளா்ச்சி அலுவலா் கண்ணன் உள்ளிட்ட அதிகாரிகள், உள்ளாட்சி பிரதிநிதிகள், பொதுமக்கள் கலந்து கொண்டனா்.