செய்யாறு அருகே மோரணம் சரகப் பகுதியில் அரசு மதுப்புட்டிகளை பதுக்கி வைத்து விற்பனை செய்த இருவரை போலீஸாா் ஞாயிற்றுக்கிழமை கைது செய்தனா். அவா்களிடம் இருந்து 52 மதுப்புட்டிகள் பறிமுதல் செய்யப்பட்டன.
திருவண்ணாமலை மாவட்டம், செய்யாறு காவல் உள்கோட்டம் மோரணம் காவல் உதவி ஆய்வாளா் ராமகிருஷ்ணன் தலைமையிலான போலீஸாா் ராந்தம், செங்கட்டான்குண்டில் ஆகிய பகுதிகளில் ஞாயிற்றுக்கிழமை ரோந்துப் பணியில் ஈடுபட்டிருந்தனா்.
அப்போது, அப்பகுதிகளில் மதுப்புட்டிகளை பதுக்கி வைத்து அதிக விலைக்கு விற்பனை செய்யப்படுவதாக போலீயாருக்கு தகவல் கிடைத்தது.
அதன் பேரில் போலீஸாா் அங்கு சென்று சோதனை மேற்கொண்டனா். இதில் ராந்தம் கிராமத்தில் முத்துலட்சுமி என்பவா் வீட்டில் 26 மதுப்புட்டிகளும், செங்கட்டான்குண்டில் கிராமத்தில் தனுஷ்கோடி என்பவரது வீட்டில் 26 மதுப்புட்டிகளும்இருந்ததை கண்டுபிடித்து பறிமுதல் செய்தனா்.
இதுத் தொடா்பாக மோரணம் போலீஸாா் வழக்குப் பதிவு செய்து முத்துலட்சுமி(43), தனுஷ்கோடி(50) ஆகியோரை கைது செய்தனா்.
