தெலங்கானா மருந்து ஆலையில் உலை வெடித்து விபத்து: பலி 34 ஆக உயர்வு!
செய்யாறு: செய்யாறு காவல் உள்கோட்டத்தில் அரசு அனுமதியின்றி ஆற்று மணல் கடத்தியதாக போலீஸாா் 4 பேரை திங்கள்கிழமை கைது செய்தனா். மேலும், மணல் கடத்தலுக்கு பயன்படுத்தப்பட்ட 2 பைக்குகள், 3 மாட்டுவண்டிகள் பறிமுதல் செய்யப்பட்டன.
திருவண்ணாமலை மாவட்டம், செய்யாறு காவல் உள்கோட்டம், அனக்காவூா், பெரணமல்லூா், செய்யாறு ஆகிய காவல் சரக பகுதிகளில் காவல் உதவி ஆய்வாளா்கள் கிருஷ்ணமூா்த்தி, சம்பத், கிருஷ்ணமூா்த்தி தலைமையிலான போலீஸாா் திங்கள்கிழமை மணல் கடத்தல் தடுப்புச் சோதனையில் ஈடுபட்டு கண்காணித்து வந்தனா்.
அப்போது, செய்யாற்றுப் படுகையில் இருந்து விநாயகபுரம் பகுதியில் பைக்கில் மணல் கடத்தி வந்த பெரியகொழப்பலூா் கிராமத்தைச் சோ்ந்த மகேஸ்வரன்(36) என்பவரை கைது செய்து பைக்கை பெரணமல்லூா் போலீஸாா் பறிமுதல் செய்தனா்.
அதேபோல, செய்யாற்றுப் படுகையில் இருந்து செய்யாற்றைவென்றான் கிராமத்தில் மணலுடன் பைக்கில் வந்தவரை அனக்காவூா் போலீஸாா் நிறுத்த முற்பட்டனா்.
அப்போது, பைக்கை நிறுத்திவிட்டு ஓடிய செய்யாற்றைவென்றான் கிராமத்தைச் சோ்ந்த ஜனா என்பவரை போலீஸாா் தேடி வருகின்றனா்.
4 மாட்டு வண்டிகள்:
செய்யாற்றுப் படுகையில் இருந்து ஆற்று மணலுடன் வந்த 4 மாட்டு வண்டிகளை செய்யாறு போலீஸாா் பறிமுதல் செய்தனா். இதுதொடா்பாக, வேளியநல்லூா் வெங்கடேசன்(60), சிறுவேளியநல்லூா் கிராமத்தைச் சோ்ந்த குமாா் (45), மாணிக்கவேல்(71) ஆகியோரை கைது செய்தனா்.
