அருண் தெய்வம் மாதிரி! ராணவ் மீது வன்மம் ஏன்? செளந்தர்யாவை விமர்சித்த குடும்பத்தி...
Bigg Boss Tamil 8: பணப்பெட்டியை எடுக்கப்போவது இவரா? முன்னரே திட்டமிட்ட போட்டியாளர்
Admin
- yesterday
பிக் பாஸ் சீசன் 8, 75 நாட்களைக் கடந்து ஒளிபரப்பாகி வருகிறது. ஆரம்பத்தில் பதினெட்டு பேர், பிறகு வைல்டு கார்டு என்ட்ரி மூலம் 6 பேர் என 24 போட்டியாளர்கள் கலந்து கொண்ட நிகழ்ச்சியில் அடுத்தடுத்த எவிக்ஷன் மூலம் ரவீந்தர், சுனிதா, அர்னவ், வர்ஷினி வெங்கட், ஆர்.ஜே.ஆனந்தி, சாச்சனா உள்ளிட்ட பலர் நிகழ்ச்சியிலிருந்து வெளியேறி விட்டனர்.
கடந்த வாரம் ரஞ்சித் வெளியேறிவிட்டார் தற்போது ராணவ், ரயான், சௌந்தர்யா, ஜாக்குலின், மஞ்சரி, முத்துக்குமரன் உள்ளிட்ட 12 பேர் நிகழ்ச்சியில் தொடர்ந்து வருகின்றனர்.
இந்த நிலையில் கிளைமேக்ஸை நெருங்கி விட்ட சூழலில் நிகழ்ச்சியில் அடுத்தடுத்து நடக்க இருக்கும் ட்விஸ்டுகள் அதிரடிகள் குறித்து நிகழ்ச்சி தொடர்புடையோர் மற்றும் போட்டியாளர்களூக்கு நெருக்கமான சிலரிடம் பேசினோம்.
''பொதுவாக பிக் பாஸ் சீசனில் கடைசிக்கட்டத்துலதான் அதிரடிகள், ட்விஸ்ட்டுகளை நிகழ்த்துவாங்க. இந்த சீசன்ல இப்ப மிச்சமிருக்கிற போட்டியாளர்களில் பெண்கள்தான் குறைவான எண்ணிக்கையில் இருக்காங்க. வரும் பொங்கல் பண்டிகையோடு நிகழ்ச்சி முடிய இருக்கிற சூழலில், வரும் வார எவிக்ஷன் எப்படியிருக்கும், மிட் வீக் எவிக்ஷன் இருக்குமா, பணப்பெட்டி எப்போ வைப்பாங்கன்னு பல கேள்விகள் ரசிகர்கள்கிட்ட இருக்கு.
இப்ப நிகழ்ச்சி 80 வது நாளை நெருங்கிடுச்சு. ஒவ்வொரு சீசன்லயும் ஒரு குறிப்பிட்ட தொகையை வச்சு 'எடுத்துட்டு வெளியேற விரும்பும் போட்டியாளர் எடுத்துட்டுப் போகலாம்'னு ஒரு வாய்ப்பு தருவாங்க இல்லையா, இந்த சீசன்ல 90 வது நாளுக்குப் பிறகு அதைச் செய்வாங்கனு சொல்றாங்க'' என்கின்றனர் இவர்கள்.
இப்படியிருக்க, நிகழ்ச்சியில் பணப்பெட்டி வைக்கப்படும் பட்சத்தில் தற்போது பிக் பாஸ் வீட்டிலிருக்கும் போட்டியாளர்களில் நடிகை அன்ஷிதா அதை எடுக்க ரொம்பவே வாய்ப்பிருப்பதாகக் கூறப்படுகிறது. தன் நெருங்கிய நட்பு வட்டத்தில் இது குறித்துப் பேசிவிட்டே நிகழ்ச்சிக்குள் சென்றிருந்தாராம் அவர்.
``சில பர்சனல் பிரச்னைகளால் மீடியாவுல ரொம்பவே பேர் அடிபட்டுடுச்சு. அதையெல்லாம் கடந்து நிகழ்ச்சிக்குள் நான் இருந்தேன்னா அதுவே பெரிய அதிர்ஷ்டம்தான். ஒருவேளை பணப்பெட்டி வைக்கிற வரைக்கும் ஷோவுல இருந்தேன்னா, அந்தக்கட்டத்துக்கு மேல ரிஸ்க் எடுக்கறது நல்லதில்ல. அதனால டைட்டில் பத்தியெல்லாம் யோசிக்கல. பணப்பெட்டி டாஸ்க்கில் என் முழு கவனம் இருக்கும்' எனச் சொல்லியே சென்றாராம் இவர்.
பணப்பெட்டி டாஸ்க்கில் அன்ஷிதா பெட்டியை எடுப்பாரா என்பதைப் பொறுத்திருந்து பார்ப்போம்.
