Madharaasi: ``சிவகார்த்திகேயனை டயர்ட் ஆக்கணும்னு நினைச்சேன், ஏன்னா'' - ஸ்டன்ட் இயக்குநர் கெவின்

'ஜெயிலர்' படத்துல நானும் அப்பாவும் இணைந்துதான் ஸ்டண்டுக்கான வேலைகள் செய்திருக்கோம்னு கேள்விப்பட்டு முருகதாஸ் சார் என்னை இந்தப் படத்துக்காக கூப்பிட்டார்.

'மதராஸி' ப்ராஜெக்ட்டிற்குள் வந்து நாங்க முதலில் டோல்கேட்டில் நடக்கிற ஆக்ஷன் காட்சிகளை படமாக்கினோம். அந்தக் காட்சி எடுத்து முடித்து அதை எடிட் பண்ணி சார்கிட்ட காமிச்சதும் அவர் ரொம்பவே ஹாப்பி ஆகிட்டார்.

அதை பார்த்தவர் 'ஜனவரி வரைக்கும் டேட் ப்ளாக் பண்ணீடுங்க. `சிக்கந்தர்' திரைப்படத்தின் ஆக்ஷனையும் நீங்களே பார்த்துக்கோங்க'னு சொன்னார்.

அது வாழ்க்கையை மாற்றிய தருணம். அன்னைக்கு நான் அவரைச் சந்திக்க கார்ல போயிருந்தேன். அவர் சொன்ன செய்தியில் நான் என்னையே முழுமையாக மறந்து நடந்து போகத் தொடங்கிட்டேன்.

முருகதாஸ் சாருக்கு மிகப்பெரிய நன்றிகள்! அவர் கொடுத்த வாய்ப்பை நிரூபிக்கணும்ங்கிற எண்ணம்தான் எனக்கு இருந்தது.

சிவகார்த்திகேயன் சார் அவருடைய 1000 சதவீதத்தைப் படத்துக்கு கொடுத்திருக்காரு. 100 சதவீதம்னு சொல்லமாட்டேன். ஏன்னா, அந்தளவுக்கு முழுமையாக உழைப்பை அவர் படத்திற்கு தந்திருக்காரு.

நாங்க சொல்ற ஒவ்வொரு ஸ்டண்ட் காட்சிகளையும் அவர் அப்படியே பண்ணல. அனைத்தையும் உள்வாங்கி கணகச்சிதமாக திரையில் பிரதிபலிச்சாரு.

எனக்கு எஸ்.கே. சாரையும், வித்யூத் சாரையும் டயர்ட் ஆக்கணும்ங்கிறதுதான் ஒரே எண்ணமாக இருந்தது. ப்ரஷ்ஷாக இருந்தால் அவங்ககிட்ட நான் பெர்ஃபெக்ஷன் எதிர்பார்க்க முடியாது.

ஆனா, அதுவே கொஞ்சம் சோர்வாகிட்டால், இருடா சீக்கிரம் சரியாக முடிக்கிறேங்கிற' எண்ணம்தான் இருக்கும். அதுக்காக நான் சில முயற்சிகளைச் செய்திருந்தேன்.

என்னுடைய அப்பா எனக்கு சில விஷயங்கள் சொல்லிக் கொடுத்திருக்கார். அவர் 'பிதாமகன்' படத்துல விக்ரம் சார் கேரக்டருக்கு சில விஷயங்கள் விலங்குகள்கிட்ட இருந்து எடுத்து வச்சிருப்பார்.

அப்படியான ஒரு முறையை நான் 'மதராஸி' எஸ்.கே. சார் கேரக்டருக்கு முயற்சி செய்திருக்கேன். அதுதான் ப்ரோ அனிமல் இன்ஸ்டிங்க்ட்'.

ஆமா, அவருடைய 'கமாண்டோ' படத்துக்கு நான் மிகப்பெரிய ரசிகன். `துப்பாக்கி' படத்தோட வில்லன் இன்னைக்கு இங்க திரும்ப வர்றாரு, அந்தப் படத்துக்கு நான்தான் ஆக்ஷன் ஹீரோ என்பதே எனக்கு ரொம்ப பெரிய விஷயம். இந்தப் படத்தோட அவருடைய அறிமுக காட்சியில் அவர் செய்திருக்கும் சிங்கிள் ஷாட் ஸ்டண்ட் சீனுக்கு அபாரமான உழைப்பைக் கொடுத்திருக்காரு.

சில ஸ்டண்ட்களையெல்லாம் ஹாலிவுட் நடிகர்கள்தான் செய்வாங்கனு ஒரு எண்ணம் இருந்தது. ஆனால், அதையெல்லாம் தகர்த்து தூக்கிப் போட்டு அனைத்து ஸ்டண்ட்களையும் வித்யூத் சார் செய்வாரு.

ஆமாங்க, அவரை மாதிரி கடினமாக உழைக்கும் நடிகரை நான் இதுக்கு முன்னாடி பார்த்ததே கிடையாது.

டான்சிங் ரோஸ் கதாபாத்திரத்துக்கு ஏன் அப்படியான பெயர் கிடைச்சதுனு எனக்கு இந்தப் படத்துல வேலை பார்க்கும்போதுதான் தெரிஞ்சது.

நம்ம ஒரு விஷயத்தை சொல்வோம். ஆனால், அவர் பெட்டரான ஒரு வெர்ஷனை கொண்டு வருவார். அதுதான் ஷபீர் அண்ணா.

கேமராமேன் சுதீப் சாரைப் பத்தி சொல்லியாகணும். அவ்வளவு பக்கபலமாக இருப்பார். ஒரு ஆக்ஷன் டைரக்டர் ஒரு ஸ்டண்ட் காட்சியை படம் பிடித்தால் எவ்வளவு வேகமும் எனர்ஜியும் தெரியுமோ, அது அவர்கிட்ட தெரியும். இலங்கையில் கடினமாக ஒரு வானிலையில் தான் படப்பிடிப்பை நடத்திக் கொண்டிருந்தோம்.

ட்ரோன் கேமரா வீசிய பயங்கரமான காற்றுக்கு எங்கெங்கோ பறந்தது, அதை யார் மேலையும் ஹிட் ஆகிவிடக் கூடாது என இவர் பிடிக்கதான் ஓடினார். ஆனால், எதிர்பாராத விதமாக அந்த சமயத்தில் ஒரு பக்கமாக காற்று பலமா அடிச்சு ஒரு விரலில் அந்த ட்ரோன் ரெக்கைப் பட்டு விரலை கட் பண்ணிடுச்சு. இப்படி படத்துக்காக உழைச்ச அவர் அதிரடியான அட்வென்சுரஸ் கேமராமேன்தான்!