Union Budget 2025: `இன்னும் 6 நாட்களே...' - மத்திய பட்ஜெட்டில் மக்களின் எதிர்பார்ப்புகள் என்ன?!

இன்னும் ஆறு நாட்களில் இந்தாண்டு பட்ஜெட்டை தாக்கல் செய்யப்போகிறார் மத்திய நிதியமைச்சர் நிர்மலா சீதாராமன். இது அவருக்கு எட்டாவது பட்ஜெட் ஆகும்.

பணவீக்கம் அதிகரிப்பு, இந்திய ரூபாய் மதிப்பு வீழ்ச்சி, மக்களின் வாங்கும் திறன் குறைவு போன்றவை நிலவும் இந்தச் சூழலில் தற்போது தாக்கல் ஆகும் பட்ஜெட் அதிகம் கவனம் பெருகிறது. மேலும், மக்கள் அதிக எதிர்பார்ப்புகளோடு இந்த பட்ஜெட்டை எதிர்நோக்கியுள்ளனர். அவை என்னென்னெ என்பதைப் பார்க்கலாம்...

ஜவுளித்துறை உள்ளிட்ட துறைகளில் சில மூலப்பொருட்கள் வெளிநாடுகளில் இருந்து இறக்குமதி செய்யப்படுகின்றன. அவற்றை இறக்குமதி செய்யும்போது அதிக இறக்குமதி வரி கட்ட வேண்டியதாக உள்ளது. அதனால், இறக்குமதி வரிகளை குறைக்க வேண்டும்.

வேலையில்லா திண்டாட்டம்

தற்போது நிலவி வரும் வேலையில்லா திண்டாட்டத்தைக் குறைக்க இந்தியாவில் உற்பத்தித் துறையை இன்னும் விரிவுப்படுத்த வேண்டும். உருவாக்க வேண்டும். மேலும், இது இந்தியாவை 2027-ம் ஆண்டு உலகின் மிகப்பெரிய பொருளாதார நாடாக உருமாற உதவும்.

வருமான வரி உள்ளிட்ட வரிகளைக் குறைக்கவேண்டும் மற்றும் அவற்றை எளிமைப்படுத்த வேண்டும்.

வெளிநாட்டு முதலீட்டாளர்கள் இந்தியாவில் முதலீடுகளை செய்ய வரிகளை குறைக்க வேண்டும்... சலுகைகள் கொடுக்கவேண்டும் மற்றும் அவர்கள் இங்கே முதலீடுகளை செய்வதற்காக சட்டத்திட்டங்களின் கால அளவை குறைக்கவேண்டும்.

இந்தத் துறைகளில்...

விவசாயம், சிறு, குறு, நடுத்தர தொழில்கள், மருத்துவம், காப்பீடு போன்ற துறைகளில் மக்களுக்கு ஏற்ற வகையில் முக்கிய திட்டங்களைக் கொண்டுவர வேண்டும்.

உலகமே எலெக்ட்ரிக் வாகனங்களை நோக்கிச் செல்லும் இந்த நேரத்தில், தாக்கலாக இருக்கும் பட்ஜெட்டில் எலெக்ட்ரிக் வாகனங்கள் உற்பத்தியாளர்கள் மற்றும் வாடிக்கையாளர்களுக்கு சலுகைகள் வேண்டும்.

ஒரு பக்கம் டிஜிட்டல் துறை இந்தியாவில் வேகமாக வளர்ந்து வந்தாலும், இன்னொரு பக்கம் அதே வேகத்தில் டிஜிட்டல் துறையில் மோசடிகள் நடந்து வருகின்றன. இவை இரண்டிற்கான அறிவிப்பும் கொண்டு வரவேண்டும். அதாவது டிஜிட்டல் துறையில் இந்தியாவை அடுத்தக்கட்டத்திற்கு எடுத்துச் செல்லவேண்டும். இன்னொன்று மோசடிகளை தடுப்பதற்கான சட்டதிட்டங்கள் கொண்டு வரவேண்டும்.

'தாறுமாறு' தங்கம் விலை!

வேகமாக வளர்ந்து வரும் இந்திய பொருளாதாரத்தில் பெண்களின் பங்களிப்பைக் கூட்ட, இன்னும் அதிகரிக்க அவர்களுக்கான நலத்திட்டங்களை அறிமுகப்படுத்த வேண்டும்.

நடுத்தர மக்களுக்கு வரிச் சலுகையில் இருந்து வாழ்வாதார மேம்பாடு வரை பல திட்டங்கள் கொண்டுவர வேண்டும் என்று பெரிதும் எதிர்பார்க்கப்படுகிறது.

தங்கம், வெள்ளி விலை தாறுமாறாக எகிறிக்கொண்டிருக்கும் இந்த வேலையில், அவற்றின் இறக்குமதி வரி குறைக்கப்பட வேண்டும். அப்போது தான் அவற்றின் விலை குறையும்.

ஸ்டார்ட் அப்கள்...

ஜி.எஸ்.டி வரி குறைக்கப்பட வேண்டும். அப்போது தான் மக்களின் நுகர்வு ஓரளவுக்கு அதிகரிக்கப்படும்.

கிராமப்புறங்களை மேம்படுத்த திட்டங்கள் கொண்டு வரவேண்டும்.

இன்று பல ஸ்டார்ட் அப்கள் புதிது புதிதாக உருவாகிவருகின்றன. இவை இந்திய பொருளாதாரத்தில் குறிப்பிட்ட பங்களிப்பை அளித்துவருகின்றன. அதை இன்னும் ஊக்குவிக்கும் வகையில் திட்டங்கள் அறிமுகப்படுத்தப்பட வேண்டும்.