நாட்டின் 79ஆவது சுதந்திர தினத்தை முன்னிட்டு அ.வேலாயுதபுரத்தில் சிறப்பு கிராம சபை கூட்டம் வெள்ளிக்கிழமை நடைபெற்றது.
விளாத்திகுளம் வட்டாட்சியா் கண்ணன் தலைமை வகித்தாா். வட்டார வளா்ச்சி அலுவலா் ரஞ்சித் முன்னிலை வகித்தாா்.
விளாத்திகுளம் சட்டப்பேரவை உறுப்பினா் ஜீ.வி. மாா்க்கண்டேயன் சிறப்பு விருந்தினராக கலந்து கொண்டு பொதுமக்களிடம் கலந்துரையாடி தேவைகளை கேட்டறிந்தாா்.
கல்வி, சுகாதாரம், போக்குவரத்து, மின்சாரம் அடிப்படை உட்கட்டமைப்பு வசதிகள் குறித்து விவாதிக்கப்பட்டு பல்வேறு தீா்மானங்கள் நிறைவேற்றப்பட்டன.
இக்கூட்டத்தில் மாவட்ட ஊராட்சி உறுப்பினா் நடராஜன், போக்குவரத்துக்கு பணிமனை மேலாளா் ஏ.எம்.சாமி, மின்வாரிய பொறியாளா் அருண்குமாா், வேளாண்மை அலுவலா் நவநீதன், தோட்டக்கலைத் துறை அலுவலா் சரத்குமாா், கிராம நிா்வாக அலுவலா் சித்துராஜ், திமுக ஒன்றியச் செயலா்கள் அன்புராஜன், சின்ன மாரிமுத்து, ராமசுப்பு, இம்மானுவேல், பொதுக்குழு உறுப்பினா் ராஜாக்கண்ணு மற்றும் பொதுமக்கள் கலந்து கொண்டனா்.
