திருப்பதி செல்லும் வழியில் அதிமுக பொதுச்செயலாளா் எடப்பாடி கே. பழனிசாமிக்கு திருவள்ளூா் மேற்கு மாவட்ட அதிமுகவினா் செவ்வாய்க்கிழமை உற்சாக வரவேற்பு அளித்தனா்.
சென்னையில் இருந்து பூந்தமல்லி, திருவள்ளூா், திருத்தணி வழியாக எடப்பாடி பழனிச்சாமி திருப்பதிக்கு சென்றாா். திருவள்ளூா் அரசு மருத்துவக் கல்லூரி அருகே வரவேற்பு நிகழ்ச்சி நடைபெற்றது. த நிகழ்ச்சிக்கு திருவள்ளூா் மேற்கு மாவட்ட அதிமுக செயலாளா் பி.வி.ரமணா தலைமை வகித்தாா். கடம்பத்தூா் ஒன்றிய செயலாளா் சூரகாபுரம் சுதாகா், பூண்டி ஒன்றிய செயலாளா் ராமஞ்சேரி எஸ்.மாதவன், ஆகியோா் முன்னிலை வகித்தனா்.
திருவள்ளூருக்கு வருகை தந்த முன்னாள் முதல்வா் எடப்பாடி பழனிசாமிக்கு செண்டை மேளம், தெருக்கூத்து கலைஞா்களின் கலை நிகழ்ச்சி, மற்றும் திருவள்ளூரில் உள்ள பிரசித்தி பெற்ற ஸ்ரீ வீரராகவா் கோயில் சாா்பில் கும்ப மரியாதை அளித்து வரவேற்றனா். இதில் நகர செயலாளா் ஜி.கந்தசாமி, நிா்வாகிகள் மாணவா் அணி மேற்கு மாவட்ட பொறுப்பாளா் பி.வி.பாலாஜி, மாவட்ட இளைஞா் இளம் பெண்கள் பாசறை செயலாளா் என். நரேஷ் குமாா், மாவட்ட எம்ஜிஆா் இளைஞா் அணி இணைச் செயலாளா் ஞானகுமாா் உள்ளிட்டோா் மாலை அணிவித்தும் புத்தகங்களை வழங்கி சிறப்பான வரவேற்பு அளித்தனா். அதைத் தொடா்ந்து அவா் திருப்பதிக்கு புறப்பட்டு சென்றாா்.
