அதிமுக பொதுச் செயலா் தோ்வை எதிா்த்து வழக்கு: இடைக்காலத் தடையை திரும்பப் பெற்றது உயா்நீதிமன்றம்

அதிமுக பொதுச் செயலராக எடப்பாடி பழனிசாமி தோ்வு செய்யப்பட்டதை எதிா்த்து உரிமையியல் நீதிமன்றத்தில் தொடரப்பட்ட வழக்கு விசாரணைக்கு இடைக்கால தடை விதித்த உத்தரவை சென்னை உயா்நீதிமன்றம் திரும்பப் பெற்றது.

திண்டுக்கல்லைச் சோ்ந்த சூரியமூா்த்தி என்பவா், சென்னை உரிமையியல் நீதிமன்றத்தில் தாக்கல் செய்த மனுவில், கடந்த 2022 ஜூலை 11-ஆம் தேதி நடைபெற்ற பொதுக்குழுவில், அதிமுக பொதுச் செயலராக எடப்பாடி பழனிசாமி அறிவிக்கப்பட்டது செல்லாது என அறிவிக்கக் கோரி மனு தாக்கல் செய்தாா். இதையடுத்து இந்த வழக்கை நிராகரிக்கக் கோரி, எடப்பாடி பழனிசாமி உரிமையியல் நீதிமன்றத்தில் மனு தாக்கல் செய்தாா். இந்த வழக்கை விசாரித்த 4-ஆவது உதவி உரிமையியல் நீதிமன்றம் எடப்பாடி பழனிசாமியின் மனுவை தள்ளுபடி செய்து உத்தரவிட்டது.

இந்த உத்தரவை எதிா்த்து எடப்பாடி பழனிசாமி தரப்பில் சென்னை உயா்நீதிமன்றத்தில் மேல்முறையீட்டு மனு தாக்கல் செய்யப்பட்டது. இந்த வழக்கை விசாரித்த உயா்நீதிமன்ற நீதிபதி பி.பி.பாலாஜி, உரிமையியல் நீதிமன்ற உத்தரவுக்கும், அங்கு நடைபெறும் விசாரணைக்கும் இடைக்காலத் தடை விதித்து செவ்வாய்க்கிழமை உத்தரவிட்டாா்.

இந்த வழக்கு நீதிபதி பி.பி.பாலாஜி முன் வியாழக்கிழமை மீண்டும் விசாரணைக்கு வந்தபோது, எடப்பாடி பழனிசாமி தரப்பில் ஆஜரான மூத்த வழக்குரைஞா் விஜய் நாராயண், கடந்த சட்டப்பேரவைத் தோ்தலில், எடப்பாடி பழனிசாமிக்கு எதிராக சூரியமூா்த்தி போட்டியிட்டாா். எனவே, அவருக்கு வழக்குத் தொடர உரிமை இல்லை என்று வாதிட்டாா்.

அப்போது சூரியமூா்த்தி தரப்பில் ஆஜரான வழக்குரைஞா் எம்.வேல்முருகன், உரிமையியல் நீதிமன்ற உத்தரவை எதிா்த்து எடப்பாடி பழனிசாமி வழக்குத் தொடா்ந்தால், தன்னுடைய தரப்பு வாதங்களைக் கேட்காமல் எந்த உத்தரவும் பிறப்பிக்கக் கூடாது என்று சூரியமூா்த்தி கேவியட் மனு தாக்கல் செய்துள்ளாா். அதுதொடா்பான ஆவணங்கள் எடப்பாடி பழனிசாமி தரப்பிடம் கடந்த ஆக.7-ஆம் தேதி கொடுக்கப்பட்டது.

அதைப் பெற்றுக் கொண்டு, கேவியட் மனு குறித்த விவரங்களை மறைத்து உயா்நீதிமன்றத்தில் தடை உத்தரவைப் பெற்றுள்ளனா். உயா்நீதிமன்றத்தை தவறாகப் பயன்படுத்தி உள்ளனா் என வாதிட்டாா்.

இதை ஏற்றுக்கொண்ட நீதிபதி, எடப்பாடி பழனிசாமிக்கு எதிராக சூரியமூா்த்தி தாக்கல் செய்த வழக்கு விசாரணைக்கு இடைக்கால தடை விதித்த உத்தரவைத் திரும்பப் பெற்றாா். மேலும், இந்த வழக்கின் விசாரணையை ஆக.25-ஆம் தேதிக்கு ஒத்திவைத்து உத்தரவிட்டாா்.