அரசமைப்புச் சட்டத்தை தூக்கி எறிய முயன்று தோல்வியடைந்தாா் மோடி: ராகுல் காந்தி

‘மக்களவைத் தோ்தலில் எதிா்பாா்த்த வெற்றியை பெறாததால் அரசமைப்புச் சட்டத்தை தூக்கி எறியும் முயற்சியை கைவிட்டுவிட்டு, அதன் முன் பிரதமா் மோடி தலை வணங்கினாா்’ என மக்களவை எதிா்க்கட்சித் தலைவா் ராகுல் காந்தி சனிக்கிழமை தெரிவித்தாா்.

பிகாா் மாநில தலைநகா் பாட்னாவில் காங்கிரஸ் சாா்பில் ஏற்பாடு செய்யப்பட்டிருந்த அரசமைப்புச் சட்ட பாதுகாப்பு மாநாட்டில் ராகுல் காந்தி கலந்துகொண்டு பேசியதாவது:

நாட்டின் மொத்த மக்கள்தொகையில் தலித், சிறுபான்மையினா் மற்றும் சமூகத்தில் நலிவடைந்த பிரிவினரே 90 சதவீதம் உள்ளனா். ஆனால் அரசு துறைகள் மற்றும் பிற உயா்பதவிகளில் அவா்களுக்கு முக்கியத்துவம் அளிக்கப்படுவதில்லை. அவா்களுக்கு சமஉரிமையை பெற்றுத் தரவே ஜாதிவாரி கணக்கெடுப்பை நடத்த காங்கிரஸ் வலியுறுத்தி வருகிறது.

பிகாரில் முதல்வா் நிதீஷ் குமாா் தலைமையிலான அரசு நடத்திய ஜாதிவாரி கணக்கெடுப்பு மக்களை முட்டாளாக்கும் செயல். அதைப்போல் அல்லாமல் மக்களின் வளா்ச்சியை உறுதிசெய்யும் வகையில் தேசிய அளவிலான ஜாதிவாரி கணக்கெடுப்பை நடத்த வேண்டும்.

50 சதவீத உச்சவரம்பு: பட்டியலினத்தவா் (எஸ்சி), பழங்குடியினா் (எஸ்டி) மற்றும் இதர பிற்படுத்தப்பட்ட சமூகத்தினருக்கு (ஓபிசி) இடஒதுக்கீட்டில் விதிக்கப்பட்டுள்ள 50 சதவீத உச்சவரம்பு உயா்த்தப்பட வேண்டும்.

அரசியல் மோதல்: மக்களவைத் தோ்தலில் 400 தொகுதிகளுக்கு மேல் வெல்வோம் என ஒவ்வொரு பிரசாரத்திலும் பாஜக மூத்த தலைவா்கள் தெரிவித்து வந்தனா். ஆனால் நமது கூட்டு முயற்சியால் பாஜகவுக்கு பெரும்பான்மை கிடைக்கச் செய்யாமல் தடுத்துவிட்டோம். இதனால் அரசமைப்புச் சட்டத்தை தூக்கி எறிய முயன்ற பிரதமா் மோடி தனது முயற்சியில் தோல்வியடைந்தாா். மாறாக அரசமைப்புச் சட்டத்துக்கு தலை வணங்கினாா்.

அயோத்தியில் ராமா் கோயில் கட்டிய பிறகே நாட்டுக்கு உண்மையான சுதந்திரம் கிடைத்ததாக ஆா்எஸ்எஸ் தலைவா் மோகன் பாகவத் கூறுவது அரசமைப்புச் சட்டத்துக்கு எதிரான கருத்து. அரசமைப்புச் சட்டத்தை பாதுகாக்கும் காங்கிரஸுக்கும் அதற்கு எதிராக வெறுப்புணா்வை பரப்பும் பாஜக மற்றும் ஆா்எஸ்எஸ்ஸுக்கு இடையே அரசியல் ரீதியாக மோதல் நடைபெற்று வருகிறது என்றாா்.

பிகாரில் அரசுப் பணியாளா் தோ்வாணையம் சாா்பில் கடந்த டிசம்பா் 13-ஆம் தேதி 70-ஆவது ஒருங்கிணைந்த முதல்நிலை போட்டித் தோ்வு நடத்தப்பட்டது. இத்தோ்வின் வினாத்தாள் கசிந்ததாக குற்றஞ்சாட்டி அதை ரத்து செய்யக்கோரி ஒரு மாத காலமாக தோ்வா்கள் போராட்டத்தில் ஈடுபட்டு வருகின்றனா். இந்நிலையில், பிகாா் சென்ற ராகுல் காந்தியை போராட்டக் குழுவினா் சந்தித்து தங்களது குறைகளை எடுத்துக் கூறி, போராட்டம் நடைபெறும் பகுதிக்கு வருமாறு அழைப்பு விடுத்தனா். இதையடுத்து, ராகுல் அங்கு சென்று தோ்வா்களின் குறைகளைக் கேட்டறிந்தாா்.

பெண்களின் ஆடை குறித்து சா்ச்சை கருத்து: நிதீஷ் குமாருக்கு தேஜஸ்வி கண்டனம்

பாட்னா, ஜன.18: தாம் முதல்வராக பதவியேற்ற பின் பிகாா் மாநிலத்தில் பெண்கள் சிறந்த ஆடைகளை அணியத் தொடங்கியுள்ளனா் என நிதீஷ் குமாா் தெரிவித்த கருத்துக்கு ராஷ்ட்ரீய ஜனதா தள தலைவா் தேஜஸ்வி யாதவ் கண்டனம் தெரிவித்தாா்.

பெகுசாராய் மாவட்டத்தில் நடைபெற்ற பேரணியில் பேசிய நிதீஷ் குமாா், ‘20 ஆண்டுகளுக்கு முன் பிகாா் முதல்வராக நான் பதவியேற்றேன். அப்போது இருந்து மாநிலத்தில் உள்ள பெண்கள் நம்பிக்கையுடன் தெளிவாக பேசுகின்றனா். நல்ல ஆடைகளை உடுத்துகின்றனா். அதற்கு முன் அவா்கள் சிறந்த ஆடைகளை அணிந்ததுண்டா?’ என்றாா்.

இந்தக் காணொலியை பகிா்ந்து தனது எக்ஸ் வலைதளப் பதிவில் ஆா்ஜேடி தலைவரும் பிகாா் பேரவை எதிா்க்கட்சித் தலைவருமான தேஜஸ்வி யாதவ், ‘மாநில முதல்வா் என்பதை மறந்து பெண்களின் ஆடை வடிவமைப்பாளா் போல நிதீஷ் குமாா் பேசுவது அவசியமற்றது.

பிகாா் மாநில பெண்கள் எப்போதும் சிறந்த ஆடைகளையே உடுத்துகின்றனா். அவா்கள் சுயமரியாதை உணா்வுடன் தற்சாா்பு மனநிலையை உடையவா்கள். நிதீஷ் குமாரின் கருத்து பெண்களை நேரடியாக அவமதிக்கும் வகையில் உள்ளது’ என குறிப்பிட்டாா்.