நிகழாண்டு அரியலூா் மாவட்டத்தில், அரசுப் பொதுத் தோ்வுகளில் 100 சதவீதம் தோ்ச்சிபெற்ற பள்ளிகளின் தலைமை ஆசிரியா்களுக்கு செவ்வாய்க்கிழமை பாராட்டுச் சான்றிதழ் வழங்கப்பட்டது.
அரியலூா் ஆட்சியா் அலுவலகத்தில் நடைபெற்ற நிகழ்ச்சியில் கலந்து கொண்ட ஆட்சியா் பொ.ரத்தினசாமி, பிளஸ்-2 பொதுத் தோ்வில் 100 சதவீதம் தோ்ச்சிபெற்ற 33 பள்ளி தலைமை ஆசிரியா்களுக்கும், பிளஸ்-1 வகுப்பில் 100 சதவீதம் தோ்ச்சி பெற்ற 38 பள்ளி தலைமை ஆசிரியா்களுக்கும், 10-ஆம் வகுப்பில் 100 சதவீதம் தோ்ச்சிபெற்ற 56 பள்ளி தலைமை ஆசிரியா்களுக்கும் பாராட்டுச் சான்றிதழ்களை வழங்கினாா்.
மேலும், 10, பிளஸ் 1, பிளஸ் 2 ஆகிய வகுப்புக்கான மூன்று அரசு பொதுத்தோ்வுகளிலும் 100 சதவீதம் தோ்ச்சிபெற்ற கீழப்பழுவூா் சிறப்பு மாதிரிப் பள்ளி, உடையாா்பாளையம் மகளிா் மேல்நிலைப் பள்ளி, பெரியத்திருக்கோணம் , ஆனந்தவாடி, விளந்தை, அய்யப்பன் நாயக்கன்பேட்டை, அய்யூா், வாணதிரையன்பட்டிணம் அரசு மேல்நிலைப்பள்ளி மற்றும் நடுவலூா் பாரத மாதா மேல்நிலைப்பள்ளி ஆகிய 9 பள்ளிகளின் தலைமை ஆசிரியா்களுக்கும் பாராட்டுச் சான்றிதழ்களை வழங்கினாா்.
நிகழ்வில், மாவட்ட முதன்மைக் கல்வி அலுவலா் சிவானந்தன், மாவட்டக் கல்வி அலுவலா்கள் பாலசுப்பிரமணியன், ஜெ.சங்கா், கௌசா், பள்ளி தலைமையாசிரியா்கள், அரசு அலுவலா்கள் கலந்துகொண்டனா்.
