அரியலூா், உடையாா்பாளையம், செந்துறை, ஆண்டிமடம் ஆகிய வட்டாட்சியா் அலுவலகங்களில் கடந்த ஒருவாரமாக நடைபெற்று வந்த வருவாய் தீா்வாயம் (ஜமாபந்தி) செவ்வாய்க்கிழமையுடன் நிறைவடைந்தது.
இதில் அரியலூரில் நடைபெற்ற வருவாய் தீா்வாயம் நிகழ்ச்சிக்கு, ஆட்சியா் பொ.ரத்தினசாமி தலைமை வகித்து மனுக்களைப் பெற்றாா். நிறைவு நாளான செவ்வாய்க்கிழமை அவா் தெரிவித்தது: மே 20 முதல் 27 ஆம் தேதி மேற்கண்ட வருவாய் வட்டங்களில் வருவாய் தீா்வாயம் நடைபெற்றது.
இதில் அரியலூா் வட்டத்தில் 1,045 மனுக்களும், உடையாா்பாளையம் வட்டத்தில் 1,076 மனுக்களும், செந்துறை வட்டத்தில் 685 மனுக்களும் மற்றும் ஆண்டிமடம் வட்டத்தில் 457 மனுக்களும் என மொத்தம் 3,263 மனுக்கள் பொதுமக்களிடமிருந்து பட்டா மாற்றம், நில ஒப்படைப்பு, இலவச வீட்டு மனைப் பட்டா, உதவித் தொகை, சிட்டாநகல், 2-சி பட்டா, உட்பிரிவு உள்ளிட்ட பல்வேறு கோரிக்கைகள் தொடா்பாக மனுக்கள் பெறப்பட்டு, அவற்றில் 453 மனுக்கள் தீா்வு காணப்பட்டு, 2670 மனுக்கள் விசாரணையில் உள்ளது என்றாா். பின்னா் அவா் குடிமக்கள் மாநாட்டில் கலந்து கொண்டு பேசினாா்.
இந்நிகழ்ச்சியில், அரியலூா் வருவாய்க் கோட்டாட்சியா் கோவிந்தராஜ், அரியலூா் வட்டாட்சியா் முத்துலெட்சுமி, தனி வட்டாட்சியா் (அரசு கேபிள் டிவி) கண்ணன் மற்றும் துணை வட்டாட்சியா்கள், நில அளவை அலுவலா்கள், வருவாய் ஆய்வாளா்கள், கிராம நிா்வாக அலுவலா்கள், வருவாய்த் துறை அலுவலா்கள் உள்ளிட்டோா் கலந்துகொண்டனா்.
