அரசுப் பள்ளிகளில் பயின்றவா்கள் இஸ்ரோ தலைவா்களாக ஜொலிக்கின்றனா்: மு.அப்பாவு பெருமிதம்

தமிழ்நாட்டில் அரசுப் பள்ளிகளில் பயின்றவா்கள்தான் இஸ்ரோ தலைவா்களாகி சாதனை படைத்துள்ளனா் என்றாா் சட்டப்பேரவைத் தலைவா் மு.அப்பாவு.

திருநெல்வேலி மாவட்டம் பணகுடி அருகேயுள்ள ரோஸ்மியாபுரம் அரசு உயா்நிலைப் பள்ளியில் ரூ.47.2 லட்சம் மதிப்பில் கட்டப்பட்ட 2 வகுப்பறை கட்டடங்களை முதல்வா் மு.க.ஸ்டாலின் சென்னையில் இருந்து காணொலியில் சனிக்கிழமை திறந்துவைத்தாா்.

இதைத் தொடா்ந்து, அப்பள்ளியில் நடைபெற்ற விழாவில் பேரவைத் தலைவா் மு.அப்பாவு குத்துவிளக்கேற்றி வகுப்பறை கட்டடங்களை மாணவா்களின் பயன்பாட்டிற்கு அா்ப்பணித்தாா்.

பின்னா் செய்தியாளா்களிடம் அவா் கூறியதாவது: ரோஸ்மியாபுரம் அரசு ஆரம்பப்பள்ளியை முன்னாள் முதல்வா் கருணாநிதி உயா்நிலைப் பள்ளியாக தரம் உயா்த்தினாா். தற்போது, முதல்வா் மு.க.ஸ்டாலின் 2 வகுப்பறை கட்டடங்களை வழங்கியுள்ளாா். தமிழ்நாட்டில் பள்ளி, பல்கலைக்கழகங்களில் கல்வி தரம் குறைந்துவருவதாக தமிழக ஆளுநா் எதன் அடிப்படையில் கூறியுள்ளாா் எனத் தெரியவில்லை.

தமிழ் வழியில் அரசு மேல்நிலைப் பள்ளியில் படித்த 10-க்கும் மேற்பட்ட விஞ்ஞானிகள் இஸ்ரோவில் பணியாற்றி உலகில் மிகச்சிறந்த விஞ்ஞானிகள் வரிசையில் இடம்பெற்றுள்ளனா். அமெரிக்க அதிபா் டிரம் இந்தியா்களுக்கு எச்1பி விஷா கட்டணத்தை பன்மடங்கு உயா்த்தியதை பாா்க்கும் போது நமது வெளியுறவுக் கொள்கையை சரியான முறையில் வகுக்கவில்லையோ என்ற சந்தேகம் உள்ளது.

இது மத்திய அரசின் வெளியுறவுக் கொள்கையில் மிகப்பெரிய பின்னடைவு என்று தான் சொல்லவேண்டும் என்றாா். விழாவில் மாவட்ட வருவாய் அலுவலா் மா. சுகன்யா, மாவட்ட முதன்மைக் கல்வி அலுவலா் சிவகுமாா், செயற்பொறியாளா் ஜெயந்தி, மாவட்ட ஊராட்சி உறுப்பினா் பாஸ்கா், பணகுடி பேரூராட்சி தலைவா் தனலெட்சுமி தமிழ்வாணன், ராமலிங்க சுவாமி திருக்கோயில் அறக்காவலா் குழு உறுப்பினா் மு.சங்கா், தி.மு.க. மாவட்ட பிரதிநிதி மு.க.மாணிக்கம் உள்ளிட்டோா் கலந்துகொண்டனா்.

நான்குனேரி, ஏா்வாடியில்... நான்குனேரி அரசு பெண்கள் மேல்நிலைப்பள்ளியில் ரூ.240.16 லட்சத்திலும், ஏா்வாடி அரசு ஆண்கள் மேல்நிலைப்பள்ளியில் ரூ.194.58 லட்சத்திலும் கட்டப்பட்ட கூடுதல் வகுப்பறை கட்டடங்களை முதல்வா் மு.க.ஸ்டாலின் சென்னையில் இருந்து காணொலியில் திறந்து வைத்தாா்.

இதையொட்டி, ஏா்வாடி அரசு ஆண்கள் மேல்நிலைப்பள்ளிபுதிய கட்டடத்தில் சட்டப்பேரவைத் தலைவா் மு. அப்பாவு, குத்துவிளக்கேற்றி வைத்தாா்.

இந்நிகழ்ச்சியில் ராபா்ட் புரூஸ் எம்.பி., மாவட்ட வருவாய் அலுவலா் மா. சுகன்யா உள்ளிட்டோா் கலந்து கொண்டனா்.