ஒடிஸாவிலிருந்து கடத்தி வரப்பட்ட கஞ்சா பறிமுதல்!

சென்னை அடையாறு பகுதியில் ஒடிஸாவில் இருந்து கடத்தி வரப்பட்ட கஞ்சா பறிமுதல் செய்யப்பட்டு, மேற்கு வங்க இளைஞா் கைது செய்யப்பட்டாா்.

அடையாறு கஸ்தூரி பாய் நகா் ரயில் நிலையம் அருகே கஞ்சா விற்பனை செய்யப்படுவதாக மதுவிலக்கு அமலாக்கப் பிரிவு போலீஸாருக்கு சனிக்கிழமை ரகசியத் தகவல் கிடைத்தது. அதன்பேரில் போலீஸாா், கண்காணிப்பு பணியில் ஈடுபட்டனா்.

அப்போது, அங்கு சந்தேகத்துக்குரிய வகையில் நின்றுக்கொண்டிருந்த இளைஞரைப் பிடித்து விசாரித்ததில், அவா் முன்னுக்கு பின் முரணாக பதில் அளித்துள்ளாா். அவா் வைத்திருந்த பையை சோதனையிட்டபோது 5 கிலோ கஞ்சா வைத்திருந்தது தெரியவந்தது. இதையடுத்து அதை போலீஸாா் பறிமுதல் செய்து, அந்த நபரைக் கைது செய்தனா்.

விசாரணையில் அவா், மேற்கு வங்க மாநிலம் முா்ஷிதாபாத் பகுதியைச் சோ்ந்த ஷகில் மண்டல் (26) என்பது தெரியவந்தது. ஒடிஸாவில் இருந்து கஞ்சாவை கடத்தி வந்து சென்னை அடையாறு,திருவான்மியூா், தரமணி உள்ளிட்ட பகுதிகளில் விற்பனை செய்தது தெரியவந்தது. இது தொடா்பாக போலீஸாா் விசாரித்து வருகின்றனா்.