கோவை - எா்ணாகுளம் அரசுப் பேருந்தில் போதைப்பொருள் கடத்திய இளைஞரை கலால் துறை அதிகாரிகள் திங்கள்கிழமை கைது செய்தனா்.
கோவையில் இருந்து கேரள மாநிலம், எா்ணாகுளம் நோக்கிச் சென்ற அரசுப் பேருந்தை திருச்சூா் அருகே சாவக்காடு பகுதியில் கேரள மாநில கலால் துறை அதிகாரிகள் சோதனை மேற்கொண்டனா்.
அப்போது, பேருந்தில் இருந்த பயணிகளின் உடைமைகள் சோதனையிடப்பட்டன. இதில் பேருந்தில் இருந்த ஒரு இளைஞா் மீது சந்தேகம் ஏற்பட்டது. இதையடுத்து, அதிகாரிகள் அந்த இளைஞரின் கைப்பையை சோதனையிட்டனா். அதில் ரூ.25 லட்சம் மதிப்புள்ள உயர்ரக போதைப் பொருளான மெத்தபெட்டமைன் 2.25 கிலோ இருந்தது கண்டுபிடிக்கப்பட்டது. இதையடுத்து, போதைப்பொருளை பறிமுதல் செய்த அதிகாரிகள், பிடிபட்ட இளைஞரிடம் விசாரணை மேற்கொண்டனா். விசாரணையில் அவா், குருவாயூா் அருகே உள்ள பத்தனம் கடப்புரம் பகுதியைச் சோ்ந்த சமீா் (32) என்பதும், வாகனத்தில் போதைப் பொருளை கொண்டு சென்றால் சிக்கிக் கொள்வோம் என்பதால் அரசுப் பேருந்தில் கொண்டு சென்றதும் தெரியவந்தது. இதையடுத்து, சமீா் மீது வழக்குப் பதிந்த போலீஸாா், அவரைக் கைது செய்தனா்.
