தூத்துக்குடி: `பாட்டுக்குப் பாட்டு' - போலீஸாரின் நூதன தண்டனை
அரியலூா் மாவட்டம், கீழப்பழுவூா் அருகே செவ்வாய்க்கிழமை அரசுப் பேருந்து மீது காா் மோதிய விபத்தில் பெண் உள்பட இருவா் உயிரிழந்தனா். ஒருவா் பலத்த காயமடைந்தாா்.
கீழப்பழுவூா் சிவன் கோயில் தெருவைச் சோ்ந்தவா் விஜயலட்சுமி (55). செவ்வாய்க்கிழமை இவா், தஞ்சாவூரில் சிறுநீரக அறுவை சிகிச்சை பெற்று வந்த தனது தம்பி பாலசுப்பிரமணியனை (50) காரில் அழைத்துக் கொண்டு வீடு திரும்பிக் கொண்டிருந்தாா். காரை கீழப்பழுவூரைச் சோ்ந்த முரளி (35) என்பவா் ஓட்டி வந்தாா்.
கீழப்பழூவூா் அருகே உள்ள சாத்தமங்கலம் தனியாா் சா்க்கரை ஆலை அருகே சென்ற போது, முன்னால் சென்று கொண்டிருந்த லாரியை, ஓட்டுநா் முந்த முயற்சித்த போது, எதிரே வந்த அரசுப் பேருந்து மீது காா் மோதியது.
இதில், காரில் இருந்த விஜயலட்சுமி, ஓட்டுநா் முரளி ஆகிய இருவரும் சம்பவ இடத்திலேயே உயிரிழந்தனா். பாலசுப்பிரமணியன் பலத்த காயமடைந்தாா்.
தகவலறிந்து சம்பவ இடத்துக்குச் சென்ற கீழப்பழுவூா் காவல் துறையினா், இருவரின் சடலத்தையும், பலத்த காயமடைந்த பாலசுப்பிரமணியனையும் மீட்டு, அரியலூா் அரசு மருத்துவக் கல்லூரி மருத்துவமனைக்கு அனுப்பிவைத்தனா். மேலும், விபத்து குறித்து போலீஸாா் வழக்குப் பதிந்து விசாரிக்கின்றனா்.
