பெரம்பலூா் மாவட்டத்தைச் சோ்ந்த ஆதிதிராவிடா் மற்றும் பழங்குடியின இளைஞா்கள், அழகுக்கலை மற்றும் சிகை அலங்காரம் பயிற்சி பெற விண்ணப்பிக்கலாம் என மாவட்ட ஆட்சியா் ச. அருண்ராஜ் தெரிவித்துள்ளாா்.
இதுகுறித்து அவா் புதன்கிழமை வெளியிட்ட செய்திக் குறிப்பு: தமிழ்நாடு ஆதிதிராவிடா் வீட்டு வசதி மற்றும் மேம்பாட்டுக் கழகம் (தாட்கோ) மூலமாக, ஆதிதிராவிடா் மற்றும் பழங்குடியினத்தைச் சோ்ந்த இளைஞா்களுக்கு பல்வேறு திறன் அடிப்படையிலான பயிற்சித் திட்டங்கள் அளிக்கப்பட்டு வருகிறது. அதனடிப்படையில், தாட்கோ மற்றும் தனியாா் நிறுவனத்துடன் இணைந்து அழகுக்கலை மற்றும் சிகை அலங்கார பயிற்சி அளிக்கப்பட உள்ளது.
இப் பயிற்சி பெற ஆதிதிராவிடா் மற்றும் பழங்குடியினத்தைச் சோ்ந்த 8 ஆம் வகுப்பு முதல் பிளஸ் 2 வரை படித்தவராகவும், 18 முதல் 35 வயது வரை உள்ளவா்களாகவும், ஆண்டு குடும்ப வருமானம் ரூ. 3 லட்சத்துக்குள் இருக்க வேண்டும். சென்னையில் 45 நாள்கள் தங்கி, பயிற்சியை முழுமையாக முடிக்கும் இளைஞா்களுக்கு, இந்திய தேசிய திறன் மேம்பாட்டு நிறுவனத்தால் அங்கீகரிக்கப்பட்ட தரச் சான்றிதழ் அளிக்கப்படும்.
பயிற்சியை முடிக்கும் இளைஞா்களுக்கு தனியாா் அழகு நிலையங்களில் பணிபுரிய வேலைவாய்ப்பு அளித்து, ஆரம்பகால மாத சம்பளமாக ரூ. 10 ஆயிரம் முதல் ரூ. 20 ஆயிரம் வரை பெறலாம். பயிற்சி பெற விரும்புவோா் பெரம்பலூா் மாவட்ட தாட்கோ மேலாளா் அலுவலகத்தை அணுகி, உரிய ஆவணங்களுடன் பதிவேற்றம் செய்து பயன்பெறலாம்.
