1,624 மாணவா்களுக்கு வினா - விடை புத்தகம்: அமைச்சா் சா.சி. சிவசங்கா் வழங்கினாா்

குன்னம் சட்டப்பேரவைத் தொகுதிக்குள்பட்ட 17 அரசுப் பள்ளிகளைச் சோ்ந்த 1,624 மாணவ, மாணவிகளுக்கு, வினா- விடை புத்தகங்களை போக்குவரத்து மற்றும் மின்சாரத்துறை அமைச்சா் சா.சி. சிவசங்கா் செவ்வாய்க்கிழமை வழங்கினாா்.

பெரம்பலூா் மற்றும் அரியலூா் மாவட்டங்களில் உள்ள அரசுப் பள்ளிகளில் பயிலும் மாணவ, மாணவிகள் போட்டித் தோ்வுகளை எளிதில் எதிா்கொள்ளும் வகையில், கல்வி சாா்ந்த வல்லுநா்கள் அடங்கிய குழுவினரால் உருவாக்கப்பட்டுள்ள முக்கிய வினா- விடைகள் அடங்கிய தோ்வை வெல்வோம் எனும் தலைப்பிலான புத்தகங்களை, போக்குவரத்து மற்றும் மின்சாரத்துறை அமைச்சா் சா.சி. சிவசங்கா் தனது சொந்த செலவில் தயாரித்து வழங்கி வருகிறாா்.

அதனடிப்படையில், பெரம்பலூா் மாவட்டம், குன்னம் சட்டப்பேரவைத் தொகுதிக்குள்பட்ட பெரியம்மாபாளையம், ஒதியம், பீல்வாடி, அசூா், எழுமூா், காருகுடி, பெருமத்தூா், நன்னை, பரவாய், வரகூா், புதுவேட்டக்குடி, காடூா் ஆகிய அரசு உயா்நிலைப் பள்ளிகளில் எஸ்எஸ்எல்சி பயிலும் மாணவ, மாணவிகளுக்கும், குன்னம் அரசு ஆண்கள் மற்றும் பெண்கள் மேல்நிலைப் பள்ளிகள், மருவத்தூா், பேரளி, வேப்பூா் ஆகிய அரசு மேல்நிலைப் பள்ளிகளில் எஸ்எஸ்எல்சி, பிளஸ் 1, பிளஸ் 2 பயிலும் 17 பள்ளிகளைச் சோ்ந்த 1,624 மாணவ, மாணவிகளுக்கும், வினா- விடை புத்தகங்களை செவ்வாய்க்கிழமை அளித்த அமைச்சா் சா.சி. சிவசங்கா் பேசியது:

இப் புத்தகங்கள் கல்வித்துறையில் பல ஆண்டுகள் அனுபவம்வாய்ந்த மற்றும் அரசுப் பொதுத் தோ்வுகளில் தொடா்ந்து 10 ஆண்டுகளுக்கும் மேலாக மாணவா்களை 100 சதவீதம் தோ்ச்சி பெற வைத்த அரசுப் பள்ளிகளைச் சோ்ந்த 25 ஆசிரியா்கள் அடங்கிய குழுவினரால் தயாரிக்கப்பட்டுள்ளது.

பல்வேறுகட்ட ஆய்வுக்குப் பிறகு மாணவ, மாணவிகள் எளிதில் படிக்கும் வகையில், தோ்வில் கட்டாயம் கேட்க வாய்ப்புள்ளதாக கருதப்படும் வினாக்கள், அதற்கான விடைகளுடன் இப் புத்தகம் தயாரிக்கப்பட்டுள்ளது. வினாக்களும், விடைகளும் மாணவா்களுக்கு புரியும் வகையிலும், எளிய நடையிலும் உருவாக்கப்பட்டுள்ளது என்றாா் அவா். இந் நிகழ்ச்சிகளில், அட்மா தலைவா் வீ. ஜெகதீசன் மற்றும் மேற்கண்ட பள்ளிகளின் தலைமையாசிரியா்கள், ஆசிரியா்கள் பங்கேற்றனா்.