ஆசிரியா் வீட்டில் 17 பவுன் தங்க நகைகள் திருட்டு

விழுப்புரம் சாலாமேடு என்.ஜி.ஜி.ஓ. காலனிப் பகுதியில் ஆசிரியா் வீட்டில் பதினேழரை பவுன் தங்க நகைகள், 2 கிலோ வெள்ளி உள்ளிட்ட பொருள்களைத் திருடிச் சென்ற மா்ம நபா்களை போலீஸாா் தேடி வருகின்றனா்.

விழுப்புரம் சாலாமேடு என்.ஜி.ஜி.ஓ. காலனி இரண்டாவது பிரதான சாலையைச் சோ்ந்த ஆரோக்கியசாமி மகன் அருள் லியோ கிங் (47). இவா் காரப்பட்டு அரசு மேல்நிலைப் பள்ளியில் கணித ஆசிரியராகப் பணியாற்றி வருகிறாா்.

பொங்கல் பண்டிகையையொட்டி, கடந்த 14-ஆம் தேதி வீட்டை பூட்டிவிட்டு, குடும்பத்துடன் பெங்களூரிலுள்ள தனது அண்ணன் ஜோன் லியோ கிங் (50) வீட்டுக்கு அருள் லியோ கிங் சென்றாராம்.

பின்னா் வியாழக்கிழமை மீண்டும் வீடு திரும்பினாா். அப்போது, வீட்டின் முன்பக்க கதவும், பூட்டும் உடைக்கப்பட்டிருந்தது. இதுகுறித்து அவா் விழுப்புரம் தாலுகா காவல் நிலையத்துக்குத் தகவல் அளித்தாா்.

அதன்பேரில் ஆய்வாளா் செல்வநாயகம் தலைமையிலான போலீஸாா் நிகழ்விடம் வந்து, வீட்டுக்குள் சென்று பாா்த்த போது, பீரோ உடைக்கப்பட்டிருந்தது. மேலும் அதில் வைக்கப் பட்டிருந்த பதினேழரை பவுன் தங்க நகைகள், 2 கிலோ வெள்ளி மற்றும் ரொக்கம் ரூ.2 ஆயிரம் ஆகியவற்றை மா்ம நபா்கள் திருடிச் சென்றது தெரிய வந்தது.

இதுகுறித்து அருள் லியோ கிங் அளித்த புகாரின் பேரில் விழுப்புரம் தாலுகா போலீஸாா் வழக்குப் பதிந்து, திருட்டில் ஈடுபட்ட மா்ம நபா்களைத் தேடி வருகின்றனா்.