இருசக்கர வாகனம் திருடிய இளைஞா் கைது

அந்தியூா் அருகே இருசக்கர வாகனத்தைத் திருடிச் சென்ற இளைஞரை போலீஸாா் செவ்வாய்க்கிழமை கைது செய்தனா்.

சேலம் மாவட்டம், மேட்டூா், நவப்பட்டியைச் சோ்ந்தவா் கோவிந்தன் மகன் மாணிக்கம் (55). கட்டடத் தொழிலாளி. அந்தியூா் பச்சாம்பாளையத்தில் தங்கி வேலைக்குச் சென்று வரும் இவா், அந்தியூா் - பா்கூா் சாலையில் பிஎஸ்என்எல் அலுவலகம் அருகே செவ்வாய்க்கிழமை காலை தனது இருசக்கர வாகனத்தை நிறுத்திவிட்டு, அருகில் உள்ள கட்டுமானப் பொருள்கள் வாடகைக்கு விடும் கிடங்குக்குச் சென்றிருந்தாா்.

அப்போது, அங்கு வந்த இளைஞா் இருசக்கர வாகனத்தை எடுத்துக் கொண்டு தப்பிச் சென்றாா். இதைக் கண்ட மாணிக்கம், மற்றொரு வாகனத்தில் பின் தொடா்ந்து சென்று, மந்தை அருகே இளைஞரை கையும்களவுமாகப் பிடித்து, அந்தியூா் காவல் நிலையத்தில் ஒப்படைத்தாா்.

விசாரணையில், அவா் அந்தியூா் தவிட்டுப்பாளையம், பழனியப்பா வீதியைச் சோ்ந்த ஈஸ்வரமூா்த்தி மகன் சசிகிரண் (19) என்பது தெரியவந்தது. இதையடுத்து, சசிகிரணை கைது செய்த போலீஸாா் நீதிமன்றத்தில் ஆஜா்படுத்தி சிறையில் அடைத்தனா்.