தஞ்சாவூரில் செவ்வாய்க்கிழமை ஏற்பட்ட தகராறில் இளைஞா் அரிவாளால் வெட்டிக் கொலை செய்யப்பட்ட சம்பவம் தொடா்பாக 11 போ் மீது காவல்துறையினா் வழக்கு பதிந்து, அவா்களைத் தேடி வருகின்றனா்.
தஞ்சாவூா் விளாா் சாலை தில்லை நகா் பகுதி பாரதிதாசன் நகா் முதல் தெருவைச் சோ்ந்தவா் சிங்காரவேலன் மகன் திலகன் (22). இவருக்கும், நியூ பாத்திமா நகரைச் சோ்ந்த சக்திக்கும் (23) செப்டம்பா் 7-ஆம் தேதி தகராறு ஏற்பட்டது. இது தொடா்பாக பேச்சுவாா்த்தை நடத்துவதற்காக திலகன், இவரது நண்பரான பாரதிதாசன் நகா் முதல் தெருவைச் சோ்ந்த ஸ்ரீதா் மகன் சசிகுமாா் (21) உள்ளிட்டோா் கலைஞா் நகா் முதல் தெருவுக்கு செவ்வாய்க்கிழமை சென்றனா்.
அப்போது, இரு தரப்பினரிடையே ஏற்பட்ட தகராறில் சசிகுமாா் அரிவாளால் வெட்டிக் கொலை செய்யப்பட்டாா். இதுகுறித்து இந்திரா நகரைச் சோ்ந்த சக்தி, கோகுல், ராஜா, பிரபா, சஞ்சய் உள்பட 11 போ் மீது தாலுகா காவல் நிலையத்தினா் வழக்குப் பதிந்து, அவா்களைத் தேடி வருகின்றனா்.
