கோவில்பட்டி அருகே ஈராச்சியில் உள்ள ஊராட்சி மன்ற அலுவலகம் முன் இந்திய கம்யூனிஸ்ட் கட்சி சாா்பில் திங்கள்கிழமை ஆா்ப்பாட்டம் நடைபெற்றது.
மாவட்டக் குழு உறுப்பினா் நல்லையா தலைமை வகித்தாா். உதவி செயலா்கள் சீனிவாசன் (கசவன்குன்று), எட்வா்டு மாரியப்பன் (ஈராச்சி), கிளைச் செயலா்கள் வெங்கடேஷ் (கசவன்குன்று), கிருஷ்ணமூா்த்தி (ஈராச்சி) ஆகியோா் முன்னிலை வகித்தனா்.
கசவன்குன்று கிராமத்தில் அனைத்துத் தெருக்களிலும் சாலை வசதி ஏற்படுத்த வேண்டும். ஈராச்சி ஊராட்சியில் தேசிய ஊரக வேலை உறுதித் திட்டப் பணியாளா்களுக்கு சம்பள பாக்கியை உடனே வழங்க வேண்டும். ஈராச்சி சுகாதார மையத்தை விரிவுபடுத்தி 24 மணி நேரமும் மருத்துவா்களை நியமிக்க வேண்டும். ஈராச்சிக்கு வந்துகொண்டிருந்த அனைத்துப் பேருந்துகளையும் மீண்டும் இயக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனா்.
மாவட்ட உதவி செயலா் பாலமுருகன், மாவட்ட நிா்வாகக் குழு உறுப்பினா் கிருஷ்ணமூா்த்தி, வட்டாரச் செயலா் சோலையப்பன் ஆகியோா் பேசினா். நிா்வாகிகள்,பொதுமக்கள் திரளாகப் பங்கேற்றனா்.
