ஜோலாா்பேட்டை மாா்க்கத்தில் சிக்னல் உள்கட்டமைப்பு பணிகள் மேற்கொள்வதால், ஈரோடு - ஜோலாா்பேட்டை ரயில் இரு மாா்க்கத்திலும் பகுதி அளவில் ரத்து செய்யப்பட்டுள்ளது.
இதுகுறித்து தெற்கு ரயில்வே சேலம் கோட்டம் சாா்பில் வெளியிடப்பட்டுள்ள செய்திக் குறிப்பு:
ஜோலாா்பேட்டை மாா்க்கத்தில் சிக்னல் உள்கட்டமைப்பு பணிகள் நடைபெறுவதையொட்டி, ஈரோடு - ஜோலாா்பேட்டை இடையேயான ரயில் வரும் 12, 13 ஆகிய தேதிகளில் இரு மாா்க்கத்திலும் பகுதி அளவில் ரத்து செய்யப்படுகிறது.
அதன்படி, ஈரோட்டில் இருந்து காலை 6 மணிக்கு புறப்படும் இந்த ரயில், 12, 13 ஆகிய தேதிகளில் திருப்பத்தூா் வரை மட்டுமே இயக்கப்படும். திருப்பத்தூா் - ஜோலாா்பேட்டை இடையே பகுதி அளவில் ரத்து செய்யப்படுகிறது.
மறுமாா்க்கத்தில், ஜோலாா்பேட்டையில் இருந்து மதியம் 2.45 மணிக்கு புறப்பட வேண்டிய இந்த ரயில், 12, 13 ஆகிய தேதிகளில் திருப்பத்தூரில் இருந்து மதியம் 2.55 மணிக்கு புறப்படும். ஜோலாா்பேட்டை - திருப்பத்தூா் இடையே பகுதி அளவில் ரத்து செய்யப்படும் என தெரிவிக்கப்பட்டுள்ளது.
