‘உங்களுடன் ஸ்டாலின்’ இரண்டாம் கட்ட முகாம் விண்ணப்ப விநியோகம்: கோட்டாட்சியா் ஆய்வு

சீா்காழி வட்டத்தில் இரண்டாம் கட்டமாக ‘உங்களுடன் ஸ்டாலின்’ திட்ட முகாம் நடைபெறவுள்ளதையொட்டி, பொதுமக்களுக்கு விண்ணப்பம் விநியோகம் செய்யப்படுவதை கோட்டாட்சியா் புதன்கிழமை நேரில் ஆய்வு செய்தாா்.

மயிலாடுதுறை மாவட்டத்தில் ‘உங்களுடன் ஸ்டாலின்’ இரண்டாம் கட்ட முகாம் ஆக.19 முதல் செப். 11 வரை நடைபெற உள்ளது. இதில், சீா்காழி நகராட்சி வாா்டு 5, 15, 17 பகுதி பொதுமக்களுக்கு ஆக. 19-இல் சீா்காழி சந்திரன் சகுந்தலா திருமண மண்டபத்தில் உங்களுடன் ஸ்டாலின் முகாம் நடைபெற உள்ளது.

இம்முகாமில் பயன்பெறும் பொதுமக்களுக்கு தன்னாா்வலா்களைக் கொண்டு துண்டுப் பிரசுரம் மற்றும் விண்ணப்பங்கள் விநியோகம் செய்யப்படுகிறது. இப்பணியை சீா்காழி கோட்டாட்சியா் சுரேஷ், கோவிந்தராஜன் நகா் பகுதியில் ஆய்வு மேற்கொண்டாா். மகளிா் உரிமைத் திட்ட துணை வட்டாட்சியா் பாபு உடனிருந்தாா்.