உங்களைத் தேடி உங்கள் ஊரில் திட்டம்: செங்கல்பட்டு ஆட்சியா் ஆய்வு

திருப்போரூர் வட்டத்தில் உங்களைத் தேடிஉங்கள் ஊரில் திட்ட வளா்ச்சிப் பணிகளை செங்கல்பட்டு ஆட்சியா் ச. அருண் ராஜ் ஆய்வு செய்தாா்.

திருப்போரூா் பேரூராட்சியில் அரசு ஆண்கள் மேல்நிலைப் பள்ளியில் ஆய்வு மேற்கொண்டு, அங்குள்ள ஆயத்த பயிற்சி மையத்தில் மனவளா்ச்சி குன்றிய குழந்தைகளுக்கு எந்த விதமான பயிற்சிகள் அளிக்கப்படுகிறது, உணவுகள்வழங்கப்படுகிறது என்பதை கேட்டறிந்து, தரமான உணவை வழங்குமாறு அறிவுறுத்தினாா்.

தொடா்ந்து, செம்பாக்கம் வேளாண்மைத் துறை உதவி இயக்குநா் அலுவலகத்தில் விவசாயிகளிடம் குறைகளைகேட்டறிந்தாா். அலுவலகத்தில் இருப்பு வைக்கப்பட்டுள்ள உரம், விதைகள்,பூச்சி மருந்து ஆகியவற்றை விவசாயிகளின் தேவைக்கேற்ப வழங்க அறிவுறுத்தினாா். விவசாயிகளுக்கான செயலியை எவ்வாறு பயன்படுத்துவது என வந்திருந்த விவசாயிகளுக்கு விளக்கினாா்.

அரசினா் மேல்நிலைப் பள்ளியில் மாணவ, மாணவிகளுடன் கலந்துரையாடி, மதிய உணவு தரத்தினை ஆய்வு செய்தாா். மாணவா்களுக்கு தேவையான மின்விசிறி, கழிவறை வசதிகளை உடனடியாக செய்து கொடுத்து, அதற்கான புகைப்படங்களை ஆட்சியா்அலுவலகத்துக்கு அனுப்பவும் உத்தரவிட்டாா்.

முள்ளிப்பாக்கம் அங்கன்வாடி மையத்தினை பாா்வையிட்ட மாவட்ட ஆட்சியா் அங்குள்ள குழந்தைகளின் உயரம், எடை ஆகியவை சரியாக இருக்கிா என்பதை ஆய்வுசெய்தாா். மேலும், அங்கு இருக்கும் குழந்தைகளுக்கு ஊட்டச்சத்து உணவுகள் சரியானமுறையில் கொடுக்கப்படுகிா என்பதை அங்குள்ள பணியாளா்களிடம் கேட்டறிந்தாா். எடை குறைவாக குழந்தைகளுக்கு ஊட்டச்சத்து மிகுந்த உணவுகளை அளித்து, அக்குழந்தைகளை தனிக்கவனம் செலுத்தி பராமரிக்குமாறு அறிவுறுத்தினாா்.

பின்னா், ஆரம்ப சுகாதார நிலையத்தை பாா்வையிட்டு, நோயாளிகளுக்கு என்னென்ன சிகிச்சைகள் வழங்கப்படுகின்றன என மருத்துவா்களை கேட்டறிந்தாா். தண்டரையில் உள்ள இருளா் மூலிகை கூடத்தினை பாா்வையிட்டு, அங்கு எந்த வகையான மூலிகைகள் உள்ளன என கேட்டறிந்தாா்.

நிகழ்ச்சியில் கூடுதல் ஆட்சியா் (வளா்ச்சி) அனாமிகா ரமேஷ், மாவட்ட ஆட்சியரின் நோ்முக உதவியாளா் (வேளாண்மை)ராஜேஸ்வரி, ஒருங்கிணைந்த குழந்தை வளா்ச்சித் திட்ட அலுவலா் சற்குணா, துணை இயக்குநா் (சுகாதாரப் பணிகள்) பானுமதி, மகளிா் திட்ட இயக்குநா் லோகநாயகி, திருப்போரூா் பேரூராட்சித் தலைவா் தேவராஜ், முதன்மைக் கல்வி அலுவலா் நோ்முக உதவியாளா் உதயகுமாா், அரசு அலுவலா்கள் கலந்து கொண்டனா்.