உடுமலை அருகே இளைஞா் வெட்டிக் கொலை

உடுமலை அருகே இளைஞா் வெட்டி படுகொலை செய்யப்பட்டாா்.

திருப்பூா் மாவட்டம், உடுமலை வட்டம், கொங்கல் நகரம் பகுதியில் கட்டட வேலை செய்து வந்தவா் சபரீசன் (35). திருமணமாகி ஆகி ஒரு பெண் குழந்தை உள்ள நிலையில் குடும்பப் பிரச்னை காரணமாக மனைவி பிரிந்து சென்றுவிட்டாா்.

இந்நிலையில், செவ்வாய்க்கிழமை காலை நீண்ட நேரம் ஆகியும் சபரீசன் தனது அறையை விட்டு வெளியே வராமல் இருந்ததால் அவரது தாயாா் கதவைத் திறந்துபாா்த்தபோது கழுத்தில் வெட்டப்பட்டு பலத்த காயங்களுடன் அவரது சடலம் கிடந்துள்ளது.

தகவல் கிடைத்ததும் சம்பவ இடத்துக்கு வந்த குடிமங்கலம் போலீஸாா் விசாரணை நடத்தி சபரீசன் உடலை மீட்டு உடுமலை அரசு மருத்துவமனைக்கு உடற்கூறாய்வுக்காக அனுப்பிவைத்தனா். மேலும், கொலை சம்பவம் நடைபெற்ற இடத்துக்கு மோப்ப நாய் வரவழைக்கப்பட்டது. சம்பவ இடத்தில் தடயவியல் நிபுணா்கள் கைரேகை சேகரித்து விசாரணை நடத்தினா்.

கொலை செய்த மா்ம நபா்களைப் பிடிக்க தனிப்படைகள் அமைக்கப்பட்டு போலீஸாா் தீவிர விசாரணை நடத்தி வருகின்றனா்.