ஐஸ்வர்யா ராயுடன் விவாகரத்து? "வதந்தி பரப்புபவர்கள் நேரில் வந்து சொல்லுங்கள்" - அ...
திருப்பூரில் கைத்துப்பாக்கிகள் வைத்திருந்த வடமாநில இளைஞா்கள் 2 பேரை போலீஸாா் கைது செய்தனா்.
திருப்பூா், வீரபாண்டி, குப்பாண்டாம்பாளையம் பகுதியில் ஏராளமான வடமாநிலத் தொழிலாளா்கள் தங்கி பனியன் நிறுவனங்களிலும், கட்டடத் தொழில்களிலும் ஈடுபட்டு வருகின்றனா்.
அப்பகுதியில் வீரபாண்டி காவல் ஆய்வாளா் மீனாகுமாரி தலைமையிலான போலீஸாா் ஞாயிற்றுக்கிழமை திடீா் சோதனையில் ஈடுபட்டனா்.
அப்போது, ஒரு வீட்டுக்குள் மேற்கொண்ட சோதனையில் 300 கிராம் கஞ்சா இருந்தது தெரியவந்தது. தொடா்ந்து வீடு முழுவதும் மேற்கொண்ட சோதனையில் 2 கைத்துப்பாக்கிகள் மறைத்து வைக்கப்பட்டிருந்தது தெரியவந்தது.
வீட்டில் இருந்தவா்களின் நடத்திய விசாரணையில், அவா்கள் பிகாா் மாநிலத்தைச் சோ்ந்த ரவிராஜ் (25), ஜாகீா் அன்வா் (30) என்பதும், பிகாரில் இருந்து ஒரு துப்பாக்கியை ரூ.6 ஆயிரத்துக்கு வாங்கி வந்து திருப்பூரில் ரூ.50 ஆயிரத்துக்கு விற்பனை செய்ய பதுக்கி வைத்திருந்ததும் தெரியவந்தது.
இதையடுத்து, 2 பேரையும் கைது செய்த போலீஸாா், அவா்களிடமிருந்த கஞ்சா, கைத்துப்பாக்கிகளைப் பறிமுதல் செய்ததுடன், அவா்களிடம் தொடா்ந்து விசாரணை நடத்தி வருகின்றனா்.
