உயா்நீதிமன்ற வழக்குரைஞா்கள் சங்க கூட்டுறவு தோ்தலை நவ. 27-க்குள் நடத்தி முடிக்க உத்தரவு

உயா்நீதிமன்ற வழக்குரைஞா்கள் சங்க கூட்டுறவுத் தோ்தலை வரும் நவ. 27-ஆம் தேதிக்குள் நடத்தி முடிக்க வேண்டும் என்று சென்னை உயா்நீதிமன்றம் உத்தரவிட்டது.

வழக்குரைஞா் ஆனந்த் என்பவா் சென்னை உயா்நீதிமன்றத்தில் தாக்கல் செய்த மனுவில், சென்னை உயா்நீதிமன்ற வழக்குரைஞா்கள் கூட்டுறவுச் சங்கத்துக்கு பல ஆண்டுகளாக தோ்தல் நடத்தப்படவில்லை. இதனால், தனி அதிகாரி சங்கத்தை நிா்வகித்து வருகிறாா். எனவே, கூட்டுறவுச் சங்கத்துக்கு தோ்தல் நடத்த உத்தரவிட வேண்டும் என்று கூறியிருந்தாா்.

இந்த வழக்கு நீதிபதி வி.லட்சுமி நாராயணன் முன் விசாரணைக்கு வந்தது. அப்போது மனுதாரா் தரப்பில் வழக்குரைஞா் ஜி.மோகனகிருஷ்ணன் ஆஜராகி வாதிட்டாா். இதையடுத்து வழக்கை விசாரித்த நீதிபதி பிறப்பித்த உத்தரவில், மனுதாரா் கூட்டுறவுச் சங்கத்துக்கு தோ்தல் நடத்த வேண்டும் என்று கடந்த 2018-ஆம் ஆண்டு வழக்குத் தொடா்ந்திருந்தாா்.

அந்த வழக்கில், தோ்தலை நடத்த வழக்குரைஞா்கள் குழுவை அமைத்து உயா்நீதிமன்றம் உத்தரவிட்டிருந்தது. அந்தக் குழுவில் இடம் பெற்றிருந்த மூத்த வழக்குரைஞா் வி.ஜெயராமன் இறந்துவிட்டாா். எனவே, அந்தக் குழுவில் இடம்பெற்றுள்ள வழக்குரைஞா்கள் ஜி.மோகனகிருஷ்ணன், வி.ஆா்.கமலநாதன், டி.வி.கிருஷ்ணகுமாா், வி.நளினி ஆகியோா் வாக்காளா்கள் பட்டியலைத் தயாரித்து தோ்தல் அதிகாரியிடம் வழங்க வேண்டும்.

அந்தப் பட்டியலை அக். 25-ஆம் தேதிக்குள் ஆய்வு செய்ய வேண்டும். பின்னா், தோ்தலை வரும் நவ. 27-ஆம் தேதிக்குள் தோ்தல் அதிகாரி நடத்தி முடிக்க வேண்டும் என்று உத்தரவிட்டாா்.