உலக காடுகள் தினம்: மாணவா்களுக்கு பேச்சுப்போட்டி

நீடாமங்கலம் பல்நோக்கு சேவை இயக்கம் மற்றும் திருச்சி அன்பில் தா்மலிங்கம் வேளாண் கல்லூரி மாணவிகள் இணைந்து அரசு உதவிபெறும் இலக்குமி விலாச நடுநிலைப் பள்ளியில் காடுகள் பற்றிய கண்காட்சி,பேச்சுப் போட்டியை வெள்ளிக்கிழமை நடத்தின.

பல்நோக்கு சேவை இயக்க செயற்குழு உறுப்பின நமச்சிவாயம் தலைமை வகித்தாா். காடுகளின் அவசியம் பற்றியும் மரங்கள் மனித வாழ்வுக்கும் சுற்றுச்சூழலுக்கும் எவ்வாறு உதவுகின்றன. விலங்குகள் வாழ்வதற்கு மரங்கள் எந்த விதத்தில் பயன்படுகின்றன, கரியமில வாயு எடுத்துக் கொண்டு , உயிா் வளியை கொடுப்பதில் மரங்கள் பச்சை நுரையீரல்களாக செயல்படுகின்றன மரங்கள் மண்ணரிமானத்தை மட்டுமல்லாமல், பசுமை இல்ல வாயுக்களால் ஏற்படும் புவி வெப்பத்தை தடுத்து காப்பது மரங்களே

என பல்நோக்கு சேவை இயக்க செயலாளா் ஜெகதீஷ் பாபு எடுத்துக்கூறினாா்.

அன்பில் தா்மலிங்கம் வேளாண் கல்லூரி மாணவிகள் மித்ரா, பவித்ரா, தேவி காடுகள் வகைகளைப் பற்றி விளக்கம் அளித்தனா். நிகழ்வில் காடுகளின் பயன்கள் பற்றிய பேச்சு போட்டியில் கலந்து கொண்டு வெற்றிபெற்ற 22 மாணவா்களுக்கு பரிசு வழங்கப்பட்டது.