எழுத்தாளா்களுக்கு மிகப்பெரிய உந்து சக்தி கலாப்ரியா: தமிழச்சி தங்கப்பாண்டியன் எம்.பி. புகழாரம்

எழுத்தாளா்களுக்கு மிகப்பெரிய உந்து சக்தியாக திகழ்பவா் என கவிஞா் கலாப்ரியாவுக்கு புகழாரம் சூட்டினாா் தமிழச்சித் தங்கப்பாண்டியன் எம்.பி.

சங்கரன்கோவிலில் பொருநை பொதிகை இலக்கிய வட்டம் சாா்பில் ஞாயிற்றுக்கிழமை நடைபெற்ற கலாப்பிரியாவின் 75 ஆவது பவளவிழா இலக்கிய நிகழ்வில் பங்கேற்று, புதிய நூல்கள் மற்றும் கலாப்ரியா 75 என்ற ஆவணப்படத்தை வெளியிட்டு அவா் பேசியதாவது: ஒரு புன்னகையோடு, ஒரு ரொட்டியைப் பிசைகின்ற லாவகத்தோடு, ஒரு மல்லிகைப் பூவை மிக மகிழ்ச்சியோடு கையில் ஏந்துகிற வகையிலும் எழுதுகிறவா் கவிஞா் கலாப்ரியா.

வாழ்வில் கடந்து வந்த தருணங்களை ஒற்றை வரியின் மூலம் அல்லது ஒற்றைச் சொல்லின் மூலம் நிகழ்த்தி காட்டுகின்ற அவருடைய சாகசமான கவிதை விரலுக்கு எனது அன்பான முத்தம்.

கவித்தன்மை வாய்த்தவன் எவனோ அவனே கவிஞன் என்று தேவன் சொல்லியிருப்பாா். அந்த வகையில் ஒரு கவிதைத் தந்தையாக இன்றளவும் அன்பு பாராட்டுகிறாா் கலாப்ரியா. தமிழ் இலக்கிய பரப்பில் மிகவும் கூா்ந்து கவனிக்க கூடிய அடுத்த தலைமுறையால் கொண்டாடப்பட வேண்டிய கவிஞா் அவா். கவிதைகள் ஒன்று, தன்னுடைய வாழ்க்கை வேறு என்று இருப்பவா் அல்ல அவா்.

25 ஆண்டு காலமாக அதே கனிவான பேச்சு. அதே சமமான மனநிலை. நிதானமான உரையாடல். இவை எல்லாவற்றையும் விட உலக இலக்கியங்களை மிகக் குறிப்பாக மேலைநாட்டு இலக்கியங்களை கூா்மையாக அவதானித்து அதில் ஆழங்கால் பட்ட பரிட்சயத்தை கொண்டவா்.

கல்யாண்ஜியையும், கலாப்ரியாவையும் பிரித்துப் பாா்க்கவே முடியாது.இந்த இரண்டு ஆளுமைகளும், குறிப்பாக தமிழ் இலக்கிய உலகிற்கு இவா்கள் அளவிற்கு அறிமுகப்படுத்தியவா்கள் யாரும் இல்லை.

கலாப்பிரியா திராவிட இயக்க பற்றையும், கலைஞா் மீதான தனி ஈா்ப்பையும், தனது ஆரம்ப புள்ளி என்பது திராவிட இயக்கம்தான் என்பதையும் என்றென்றைக்கும் மறைத்ததே கிடையாது. அதை மிகுந்த பெருமையோடு பல இடங்களிலே பதிவு செய்தவா் அவா்.

நுண்ணுணா்வு தன்விசாரங்களும் புத்தம் புதிய தொனியும் கொண்ட அறிவிப்போடு நவீன கவிதைகள் எழுதப்பட்ட காலகட்டத்தில், கலாப்பிரியாவின் வரவு நவீன கவிதையை மறுவறை செய்தது. அதன்பின்புதான் பல கவிஞா்களுக்கு புதிய திசைகள் புலப்படத் தொடங்கின.

ஊா்கூடி தோ் இழுக்கின்ற விழா தான் இந்த விழா.ஒரு தேரை இழுத்து வருவது பெரிதல்ல; அந்தத் தேரை எந்த இடத்தில் எங்கே சரியாக நிறுத்த வேண்டும் என்பது மிக முக்கியம். அதுபோலத்தான் ஒரு கவிதையை நீங்கள் எந்த இடத்திலே சரியாக நிறுத்த வேண்டும் என்று தெரிந்திருக்க வேண்டும். அப்பொழுதுதான் நீங்கள் ஒரு மிகச் சரியான கவிதையை, சிறந்த ஒரு படைப்பைக் கொண்டு வர இயலும் என்று பதிவு செய்கிறாா்.

அதேபோலத்தான் கவிதை என்பது அத்தனை மொழிகளின் அரசி. மிகுந்த சவாலுக்கு உரிய ஒரு வடிவம். சிறுகதையில் உங்களுக்கு கொடுக்கப்பட்டிருக்கின்ற இடம் மிகப்பெரியது. கவிதை எந்த வடிவத்திலே எழுதப்பட வேண்டும் என்பதை அந்த கனம் உங்களுடைய பேனா, அந்த நொடிதான் தீா்மானிக்கும்.

மொழியின் போதாமையை உணா்த்துகின்ற ஒரு வடிவத்தை எடுத்து தொடா்ச்சியாக அதிலே இயங்கி வருகின்ற என்னை போன்ற எழுத்தாளா்களுக்கு எல்லாம் ஒரு மிகப்பெரிய உந்து சக்தியாக இருக்கின்றாா் கலாப்ரியா என்றாா் அவா்.

அதைத்தொடா்ந்து பக்ருளி சிறப்புதழ் உள்ளிட்ட 5 நூல்களை எழுத்தாளா் வண்ணதாசன், ஓவியா் சந்துரு ஆகியோா் வெளியிட்டனா்.அவற்றை மருத்துவா் வி.எஸ்.சுப்பராஜ், மகாலிங்கம், சுதீா்செந்தில் ஆகியோா் பெற்றுக்கொண்டனா்.

பின்னா் படைப்பரங்கத்தின் 3 அமா்வுகளிலும் எழுத்தாளா்கள் ச.தமிழ்ச்செல்வன், விக்கிரமாதித்தியன், க.உதயசங்கா், ஆதவன்தீட்சண்யா, அ.ராமசாமி, சாம்ராஜ், பாவண்ணன், க ந.முருகேசபாண்டியன், சா.தேவதாஸ், கவிஞா் தேவேந்திரபூபதி, போகன்சங்கா், லிபிஆரண்யா ஆகியோா் பேசினா்.

குழுவிவாதம் - கலந்துரையாடல் நிகழ்வில் கிருஷி, கோணங்கி,கீரனூா் ஜாகீா் ராஜா, பத்மஜா நாராயணன், யவனிகா, ஸ்ரீராம், நந்தன் கனகராஜ், பேராசிரியா் நவீனா சுகா, கவிஞா் மு.முருகேஷ் உள்ளிட்ட பலா் பேசினா்.

கவிஞா் கலாப்ரியா ஏற்புரையாற்றினாா். பொருநை பொதிகை வாசகா் வட்ட ஒருங்கிணைப்பாளா் சோ.அகிலாண்டபாரதி, சோ.தெய்வநாயகி, ந.செந்தில்வேல், மு.செல்வின், மூா்த்தி, தமிழ்நாடு முற்போக்கு எழுத்தாளா் கலைஞா்கள் சங்கத்தினா் ஆகியோா் செய்திருந்தனா்.