எலான் மஸ்குடன் பிரதமா் மோடி சந்திப்பு: தொழில்நுட்பம், நிா்வாகம் குறித்து ஆலோசனை
தேனி மாவட்டம், கம்பம் பகுதியில் கஞ்சா கடத்திய வழக்கில் மூவருக்கு தலா 3 ஆண்டுகள் சிறைத் தண்டனை விதித்து, மதுரை முதலாவது போதைப் பொருள் தடுப்பு நீதிமன்றம் வியாழக்கிழமை உத்தரவிட்டது.
தேனி மாவட்டம், கம்பம் வடக்கு காவல் நிலைய போலீஸாா், கடந்த 21.8.2019 அன்று 18-ஆம் கால்வாய் பகுதியில் நின்று கொண்டிருந்த 3 பேரை சந்தேகத்தின் பேரில் பிடித்து விசாரித்தனா். அப்போது, அவா்கள் கஞ்சா வைத்திருந்தது தெரியவந்ததையடுத்து, அவா்களிடமிருந்து 3 கிலோ கஞ்சாவை போலீஸாா் பறிமுதல் செய்தனா்.
இதுதொடா்பாக கம்பத்தைச் சோ்ந்த ம. சுதாகா் (39), கொ. ஜெயக்குமாா் (42), கொ. ஜெயா (55) ஆகியோரை போலீஸாா் கைது செய்தனா். இந்த வழக்கு விசாரணை மதுரை முதலாவது போதைப் பொருள் தடுப்பு நீதிமன்றத்தில் நடைபெற்று வந்தது.
இந்த வழக்கு விசாரணை நிறைவடைந்த நிலையில், நீதிபதி எ.எஸ்.ஹரிஹர குமாா், குற்றஞ்சாட்டப்பட்ட ம. சுதாகா் உள்ளிட்ட மூவருக்கும் தலா 3 ஆண்டுகள் சிறைத் தண்டனையும், ரூ.30 ஆயிரம் அபராதமும் விதித்து உத்தரவிட்டாா். இந்த வழக்கில் அரசு வழக்குரைஞா் கே. விஜயபாண்டியன் முன்னிலையாகி வாதிட்டாா்.
