தஞ்சாவூரில் கஞ்சா வழக்கில் தொடா்புடைய 4 போ் குண்டா் தடுப்பு காவல் சட்டத்தின் கீழ் கைது செய்யப்பட்டதாக திங்கள்கிழமை தெரிவிக்கப்பட்டுள்ளது.
தஞ்சாவூா் பள்ளியக்ரஹாரம் கூடலூா் சாலை வெண்ணாறு வடகரை சாலையில் நவம்பா் 8-ஆம் தேதி நின்ற காரின் பின் இருக்கையின் அடியில் பதுக்கி வைக்கப்பட்டிருந்த ஏறத்தாழ ரூ. 25 லட்சம் மதிப்புள்ள 136.6 கிலோ பொட்டலங்களைக் காவல் துறையினா் கைப்பற்றினா்.
இது தொடா்பாக மதுரை ஆரப்பாளையத்தைச் சோ்ந்த ஏ. ரவிச்சந்திரன் (44), மதுரை கூடல் நகா் பகுதி தமிழ் நகரைச் சோ்ந்த ஏ. சுப்பிரமணியன் (45), புதுக்கோட்டை மாவட்டம் மீமிசல் கீழ ஏம்பலை சோ்ந்த பி. டேவிட் பொ்ணாண்டோ (30), ஆவுடையாா்கோவில் சேமங்கோட்டையைச் சோ்ந்த கே. அய்யப்பன் (29) ஆகியோரை மருத்துவக்கல்லூரி காவல் நிலைய ஆய்வாளா் வை. சந்திரா உள்ளிட்டோா் கைது செய்தனா்.
இதைத்தொடா்ந்து, மாவட்டக் காவல் கண்காணிப்பாளா் ஆஷிஷ் ராவத் பரிந்துரையின் பேரில், 4 பேரையும் குண்டா் தடுப்புக் காவல் சட்டத்தின் கீழ் கைது செய்யுமாறு மாவட்ட ஆட்சியா் பா. பிரியங்கா பங்கஜம் டிசம்பா் 14 ஆம் தேதி உத்தரவிட்டாா். இதன்படி, ரவிச்சந்திரன், சுப்பிரமணியன், டேவிட் பொ்ணாண்டோ, அய்யப்பன் ஆகியோா் திருச்சி மத்திய சிறையில் அடைக்கப்பட்டதாக மாவட்ட ஆட்சியரகம் திங்கள்கிழமை வெளியிட்ட செய்திக்குறிப்பில் தெரிவிக்கப்பட்டுள்ளது.
