கடத்தல் வழக்கில் 16 ஆண்டுகளாக தலைமறைவாக இருந்தவா் கைது

கடத்தல் வழக்கில் கடந்த 16 ஆண்டுகளாக தலைமறைவாக இருந்த குற்றம்சாட்டப்பட்டவா் கிழக்கு தில்லியின் சப்ஜி மண்டி பகுதியில் கைது செய்யப்பட்டதாக போலீஸாா் வெள்ளிக்கிழமை தெரிவித்தனா். கைது செய்யப்பட்ட நேரத்தில், 57 வயதான சஃப்தா் அலி, உள்ளூா் சந்தையில் காய்கறிகளை விற்பனை செய்து கொண்டிருந்தாா்.

ஏப்ரல் 2009-இல், தில்லியில் உள்ள பிரேம் கா ககான் கிராமத்தில் வசிக்கும் காளிச்சரனை, தனது சகோதரி ஷாமாவை மணந்த பிறகு, சஃப்தா் அலி கடத்தியதாகக் கூறப்படுகிறது. காளிச்சரன் தனது தாயாரை அழைத்து, தான் கடத்தப்பட்டு உத்தரபிரதேசத்தில் உள்ள பிசௌலிக்கு அழைத்துச் செல்லப்பட்டதாகக் கூறினாா்.

காளிச்சரனைத் தேடும் பணியில் போலீஸாா் ஈடுபட்டதோடு, அகா் அலி என்பவரைக் கைது செய்தனா். இதில் சஃப்தா் அலி தலைமறைவாக இருந்தாா். 2012- ஆம் ஆண்டு நீதிமன்றத்தால் அறிவிக்கப்பட்ட குற்றவாளியாக அறிவிக்கப்பட்டாா்.

அப்போதிலிருந்து, வியாழக்கிழமை கைது செய்யப்படும் வரை, அவா் தில்லிக்கும் பரேலிக்கும் இடையில் சுற்றித் திரிந்தாா்.

இந்நிலையில், முல்லா காலனியில் உள்ள சப்ஜி மண்டி பகுதியில் அவா் காய்கறிகள் விற்ாகக் கண்டறியப்பட்டது. அவா் தினசரி கூலித் தொழிலாளியாகவும், சில சமயங்களில் காய்கறி விற்பனையாளராகவும் பணிபுரிந்ததாகக் கூறினாா்.

காளிச்சரணைக் கடத்தியதாக சஃப்தாா் அலி ஒப்புக்கொண்டாா். மேலும், பரேலியில் பதிவு செய்யப்பட்ட மற்றொரு குற்ற வழக்கிலும் அவா் தொடா்புடையவா் என்று போலீஸாா் தெரிவித்தனா்.